Fasiqin xəbərinə əsasən hərəkət etməmək
Harun YahyaDoğru yoldan çıxmış, Allaha üsyana söykənən həyat tərzini mənimsəyən insan fasiqdir. Bu səbəbdən, ondan Quran hökmlərinə riayət etməyi, ədalət, doğruluq, dürüstlük, etibarlılıq kimi möminə xas xüsusiyyətləri gözləmək mümkün deyil. Həmçinin, fasiq Allah qorxusu olmayan, möminlərin imanına qısqanclıqla yanaşan, möminləri yoldan çıxarmaq istəyən, onlara zərər vurmaqdan və əziyyət verməkdən zövq alan biridir. Ancaq onun bu məqsədinə çatması mümkün deyil. Çünki o, nə etsə də, özlüyündə möminlərin əleyhinə tələ qursa da, Allah onun bütün planlarını tərsinə çevirəcək və yaşanan hadisələr möminlərin xeyrinə olacaqdır. Buna görə də, fasiqin möminlərə verdiyi xəbərin dəqiqliyi və doğruluğunun araşdırılması mütləqdir. Bu mövzu ilə bağlı ayədə belə buyurulur:
«Ey iman gətirənlər! Əgər bir fasiq sizə bir xəbər gətirsə, dərhal onun doğruluğunu yoxlayın, yoxsa bilmədən bir qövmə pislik edər, sonra da etdiyinizə peşman olarsınız!» (Hucurat surəsi, 6).
Quranın meyar və tələblərinə əsasən fasiqdən gələn xəbərin doğruluğu araşdırılmadan hökm vermək, Allahın ayədə də bildirdiyi kimi, «cahilcəsinə» bir hərəkət olar. Həmçinin, başqa bir ayədə iman gətirənlərə «Bilmədiyin bir şeyin ardınca düşmə» (İsra surəsi, 36) qadağası qoyulmuşdur.
