Quranda Allah mələklərə yer üzündə bir xəlifə yaradacağını və ona adların hamısını öyrədəcəyini bildirmişdir. Buna görə mələklər, Allah’ın ağlını, elmini, gücünü və böyüklüyünü tərifləyib ucaldaraq zikr edirlər. Mələklərin zikrində olduğu kimi, Allah sonsuz hikmət və elm sahibidir. İnsanın da Allah’ın ona öyrətdiyindən başqa heç bir məlumatı yoxdur. Yəni hər hansı insanın elm sahibi olması özündən asılı deyil. Allah’ın onun qədərində elm lütf etməsinin nəticəsidir. Allah istədiyi insana bu neməti istədiyi qədər verir.
İnsan Allah’ın yoxdan var etdiyi aciz bir varlıqdır. İnsanın sahib olduğu bütün imkanları Allah ona vermişdir. Allah’ın bizlərə öyrətdikləri sayəsində ətrafımızdakı hər şeyi qəbul edə bilir və buna uyğun olaraq həyatımızı davam etdirə bilirik.
Möminlər Allah’ın aciz qulu olduqlarının şüurundadırlar. Buna görə sahib olduqları ağıl, bilik və qabiliyyətləri özlərindən bilməzlər. Kainatdakı bütün elmlərin, mülkün və hökmün əsl sahibinin aləmlərin Rəbbi olan Allah olduğunu hər zaman bilir və hər işlərində Allah’a yönəlirlər. Rəbbimizə qarşı boyun əyir və təslimiyyətli davranırlar, tərifi yalnız onu yaradana yönəldir və dayanmadan Onu ucaldıb təsbeh edirlər.
