(مترجم_ آغا عامر خان)
ائٽم پوري ڪائنات جي تخليق جو بنيادي جزو آهي، پر اهو سائيز ۾ تمام ننڍڙو هوندو آهي.
ائٽم کي عام مائڪرواسڪوپ سان به ڏسڻ ناممڪن آهي.
ائٽم جي غير معمولي حد تائين ننڍڙي سائيز کي هيٺين مٿالن جي ذريعي بيان ڪري سگھجي ٿو
ائٽم هڪ مليميٽر جو به ڏهون لکون حصو آهي. ٻين لفظن ۾،جيڪڏهن 100 ملين ائٽم هڪ ٻئي سان ملائي رکجن ته اهي صرف هڪ سينٽي ميٽر ٺاهيندا.
پيپر جو هڪ پيج ڏه لکن ائٽمن جي موٽائي آهي.
هڪ جيوگھرڙي ۾ صرف هڪ پروٽين تقريبن 500000 ائٽمن تي مشتمل هوندو آهي.
اسان جي صرف هڪ جيوگھرڙي ۾ 4 ڪروڙ ائٽم هوندا آهن.
جيڪڏهن اسان لوڻ جي هڪ داڻي ۾ موجود ائٽم ڏه لک في سيڪنڊ جي حساب سان لڳاتار 24 ڪلاڪن تائين ڳڻيون ته اسان کي 500 سالن کان به وڌيڪ عرصو لڳي ويندو.
صرف اهو ئي جملو 12 ڪروڙ 50 لکن کان به وڏيڪ ائٽمن تي مشتمل آهي.
اسان جا جيوگھرڙا، کاڌو جيڪو اسين کائون ٿا، اسين جيڪو ڪجھ پئون ٿا، اسان جا گھر، جبل، سمنڊ، آسمان، چنڊ، سج، عظيم سيارا، سڀ تارا ۽ ڪهڪشائون، مختصر طور تي سڀ شيون صرف ائتم مان ٺهيل آهن جيڪو سائز ۾ صرف هڪ مليميٽر جو به ڏهون لکون حصو آهي.
الله تعالٰي کي ان تي قدرت حاصل آهي ته اهو اهي سڀ شيون هڪ ننڍڙي شئي مان ٺاهي ۽ انهن کي بنا لنهن قدرتي سبب جي ڪجھ به نه مان وجود ۾ آني. اسان جو رب هن آيت ۾ ٻڌائي ٿو
“۽ اُھو ئي آھي جنھن آسمانن ۽ زمين کي رِٿ سان بڻايو آھي، ۽ جنھن ڏينھن (قيامت لاءِ) چوندو ته ٿيءُ ته ٿي پوندي. سندس ڳالھ سچي آھي، ۽ جنھن ڏينھن صور ۾ ڦوڪيو ويندو (تنھن ڏينھن) رڳو اُن جي بادشاھي آھي، ڳجھ ۽ ظاھر جو ڄاڻندڙ آھي، ۽ اُھو حِڪمت وارو خبردار آھي.” (سورت الانعام، 73)
