.jpg)
Allah Peyğəmbərimizə (səv) ən son haqq kitab olan Quran-i Kərimi vəhy etmiş, onu gözəl əxlaqı, təqvası və Allaha olan yaxınlığı ilə insanlara nümunə göstərmişdir. Peyğəmbərimiz (səv) Allah tərəfindən vəhy gəldikdən sonra həyatının sonuna qədər davam etdiyi təbliği ilə bu gün də dünyamızı işıqlandırmağa davam edir. Bu həqiqət dünya mətbuatında da öz aktuallığını itirmir. BBC telekanalı başda olmaqla bir çox televiziya kanalı Peyğəmbərimiz (səv) haqqında sənədli filmlər hazırlayır və hz. Muhəmmədin (səv) həyatından bəhs edən verilişlər təşkil edilir.
Dünya şöhrətli bir çox alim öz yazılarında Peyğəmbərimizin (səv) şəxsiyyəti, yüksək əxlaqı və müasir dövrdə insanların ona olan ehtiyacı kimi mövzulardan tez-tez bəhs edirlər. Məsələn, fransız jurnalı “Le Point” Peyğəmbərimizi (səv) ilin adamı seçmiş və məşhur tarixçi Maykl H.Hart “Tarixin Ən Mühüm 100 İnsanı” adlı kitabında ilk olaraq Peyğəmbərimizin (səv) adını qeyd etmişdir. Kitabda bu sözlərə yer verilir:
“Tarixdə həm dövlət, həm də din sahəsində mütləq mənada müvəffəqiyyət qazanmış tək insan Odur. Dövlət və dini təsirin tarixdə tayı bərabəri görülməmiş şəkildə birləşməsi hz. Məhəmmədin (s.ə.v) tarixin ən təsirli şəxsiyyəti olmasına dəlalət edir”.
(Michael H. Hart, The100, ARanking Of The Most İnfluential Persons in History, New York, 1978)
Digər məşhur dövlət rəsmiləri və yazıçılarının hz.Muhəmmədə (s.ə.v) olan heyranlıq dolu ifadələrindən bəziləri bu şəkildədir:
Beynəlxalq İnsan Hüququ İnstitutu başçısı,
prof.Şerif Bassiauni
'' Hz. Muhəmmədin (səv) mirası açıqdır, sanki toxum kimidir. Bu, onun mərdliyi, səmimiliyi, etibarlılığı, nümunəvi davranışları, siyasi liderliyi, nümunəvi insan olması və onun dövründə heç kəsin reallaşdıra bilmədiyi müvəffəqiyyətlər, məğlub etmə və nəfsinin onu məğlub etməsinə icazə verməməsidir. Hər şey bir kənara qalsın, böyük insandır”.
1935-ci ildə Nobel mükafatına layiq görülmüş irlandiyalı yazıçı,
Bernard Şou
“Qeyri-adi insani keyfiyyətlərindən ötrü hz.Muhəmmədin (səv) dininə dəyər verirəm. Bu din mənə varlığın və həyatın dəyişən tərəfini mənimsəyə bilən, hər dövrə xitab edən tək din olaraq görünür. O möcüzəvi şəxsi araşdırmışam və məncə o “bəşəriyyətin xilaskarı” kimi çağırılmalıdır. İnanıram ki, müasir dövrdə hakimiyyət nnun kimi şəxsdə olsaydı, bu dünyanın ən çox ehtiyacı olan sülh və xoşbəxtlik yer üzünə hakim olardı. Bir uzaqgörənliyim var: Hz.Muhəmmədin (səv) inancını sabahın Avropası da qəbul edəcək. Necə ki, bu günün Avropası qəbul edir”.
(George Bernard Shaw, The Genuine Islam, 1936, 1: 8)
XIX əsr Alman İmperiyası kansleri,
Şəhzadə Bismark
“Sənin zamanında yaşamadığım üçün çox təəssüf edirəm, Ey Muhəmməd (s.ə.v). Quran Allahın kitabıdır. Bəşəriyyət sənin kimi insanı bir dəfə görüb və bir daha görməyəcək. Mən sənin önündə hörmət və izzətlə baş əyirəm”.
Fransız tarixçısı və yazıçısı,
Lamartine
“İnsanın böyüklüyü hansı ölçüylə ölçülürsə ölçülsün, görəsən Ondan böyük insan tapılarmı?”
(Lamartine, Historie dela Turquie, Paris, 1854, Vol. 11)
Jül Masserman, Çikaqo Universiteti
“Bütün dövrlərin ən böyük lideri hz.Muhəmməd (s.ə.v) idi”.
(Jules Masserman, Who Were History’s Great Leaders?, Time Magazine. July, 15, 1974)
