1. "Шәфкатьле, рәхимле Аллаһ исеме белән... Һәм таң белән ант итәмен."
2. "Һәм ун кичә,"
3. "һәм так һәм җеп белән,"
4. һәм кичнең йөргәне белән.
5. Болар да гакыл иясенең анты түгелме соң?
6. Раббың Гадь белән нәрсә кылганны күрмәдеңме син?
7. "Баганалар иясе — Ирам белән,"
8. "илләрдә аңа тиң булганны ясый алмаганнарны,"
9. "һәм үзәнлектәге кыя ташларын тишкән сәмүдләр белән,"
10. "һәм казыклар иясе фиргавен белән,"
11. "илләрдә азгынлыкның чигеннән чыгучылар,"
12. һәм анда бозыклык арттыручылар белән?
13. Һәм Раббың аларның өстенә газап камчысын яудырды.
14. "Хакыйкатьтә, Раббың бит яшерен күзәтеп тора."
15. "Кеше исә... Раббысы үзен сынап хөрмәтләсә, нигъмәтләренә ирештерсә, ул: «Раббым үземне хөрмәтләде», — дип әйтер."
16. "Инде үзен сынап, ризыгын билгеләп куйса: «Раббым үземне кимсетте», — диячәк."
17. Юк әле! Үзегез ятимне санламыйсыз
18. "һәм мескенне тукландырырга бер-берегезне өндәмисез,"
19. "һәм мирас малын туемсыз үзләштереп ашыйсыз,"
20. һәм малны бөтен күңелегезне биреп сөясез.
21. "Юк әле! Җир йөзе кисәк-кисәк коелса,"
22. һәм Раббыңның кодрәте саф-саф торучы фәрештәләр белән килсә...
23. "Һәм ул көнне җәһәннәм китерелер, кеше исенә төшерәчәк. Тик искә төшерү кемгә кирәк икән?"
24. Ул: «Бу тормышым өчен хәзерләп куйган булиде!» — дип әйтер.
25. Улем көнне Аннан башка һич беркем дә газап бирә алмас.
26. Ул көнне Аннан башка һич беркем дә аны богаулар белән богауламас.
27. "Ий, тынычлыкка ирешкән җан!"
28. Раббыңа разый-канәгать булып кире кайт!
29. Һәм Минем колларым арасына кер!
30. Һәм Минем җәннәтемә кер!
