1. "Шәфкатьле, рәхимле Аллаһ исеме белән... Күк ярылып киткәч,"

2. "Раббысын тыңлап, тиешлечә буйсынгач,"

3. "җир җәелеп куйгач,"

4. "эчендә булган һәрнәрсәне бәреп чыгарып бушагач,"

5. "Раббысын тыңлап, тиешлечә буйсынгач..."

6. "Ий, кеше, хакыйкатьтә, син Раббыңа омтыласың һәм Аны очратырсың."

7. "Кемнең китабы үзенең уң кулына бирелсә,"

8. җиңел хисап белән хисапланыр

9. һәм ул шатланып әһелләренә кире кайтыр.

10. "Әмма китабы үзенең арка ягыннан бирелсә,"

11. һәлакәтне чакырыр

12. һәм утка керер.

13. Әһелләре янында ул сөенгән иде инде.

14. Кире кайтыр дип һич уйламаган иде.

15. "Әйе! Аллаһ, хакыйкатьтә, аны күреп торды."

16. "Юктыр! Шәфәкъ белән ант итәм,"

17. "Һәм төн, һәм ул җыя торган белән дә,"

18. һәм тулы булган ай белән дә.

19. "Әлбәттә, сез хәлдән хәлгә күчәчәксез!"

20. Ни өчен соң алар ышанмыйлар?

21. "Үзләренә Коръәнне укысалар, алар сәҗдә кылмыйлар."

22. Әйе! Кәфер булучылар ялганга чыгаралар.

23. Аллаһ исә аларның яшереннәрен бик яхшы беләдер.

24. "Һәм аларны үзәк өзгеч газап белән шатландыр,"

25. иман китереп инанучылардан һәм игелекле гамәлләр кылучылардан башка. Боларга бетмәс әҗер бардыр.