1. "Шәфкатьле, рәхимле Аллаһ исеме белән...  Котылгысыз! Хак булучы!"

2. Нәрсә ул хак булучы!

3. Хак булучының нәрсә икәнен сиңа ни белдерер?

4. "Коручыны сәмүдләр дә, гадьләр дә ялганга чыгардылар."

5. Әмма сәмүдләр... алар чикләреннән чыккан белән һәлак ителделәр.

6. "Әмма гадьләр... алар тавышлы, котырган җил белән һәлак ителделәр."

7. "Алар өстеннән бу җилгә Ул бер-бер артлы җиде төн һәм сигез көн көч бирде, һәм андагы кавемне син нәкъ хөрмә агачларының буш кәүсәләре кебек ауганын күрәсең."

8. Алардан калган нәрсәне булса да күрәсеңме син?

9. "Һәм фиргавен һәм аңа кадәр булганнар, һәм әл- Мүтәфикә кавеме дә хаталы фигыльләр кылдылар."

10. "Алар Раббыларының рәсүленә каршы чыктылар, һәм Ул аларны каты итеп тотып алды."

11. "Хакыйкатьтә, су ярларыннан артып ташыганда, Без сезне йөзеп бара торганда алып киттек,"

12. сезгә моны искә төшерү өчен һәм колак салыр дайлар моны хәтерләрендә тотсын өчен

13. "Һәм, быргы бер өрү белән өрелсә,"

14. "һәм җир һәм таулар күтәрелсәләр, һәм бер җимерү белән вакланып җимерелсәләр,"

15. менә шул көнне булачак вакыйга булыр.

16. "Һәм күк ярылыр, һәм бу көнне ул зәгыйфь булыр."

17. "Фәрештәләр аның кырыйларында, һәм Раббыңның гарешен ул көнне сигез фәрештә үз өсләреннән күтәреп барырлар."

18. Ул көнне барыгыз да күрсәтелер һәм сезнең серләрегез яшерелмәс.

19. "Әмма берәүгә китабы уң кулына бирелсә, ул әйтер: «Менә, укыгыз минем китабымны!"

20. "Мин, хакыйкатьтә, хисабымны очратырмын дип уйлыйм»."

21. "Һәм ул рәхәт тормышта,"

22. "биек бакчада,"

23. җимешләре дә якын.

24. «Үткән көннәрдәге гамәлләрегез өчен исәнлеккә- саулыкка ашагыз һәм эчегез!»

25. "Китабы сул кулына бирелгәне исә әйтер: «Ах, әгәр миңа минем китабым китерелеп бирелмәсә иде!"

26. Һәм мин хисабымның нәрсә икәнен белмәсәм иде!

27. "Ах, бу соңгы булса иде!"

28. Мине малым да коткармады.

29. Минем көч-куәтем дә һәлак булды».

30. «Тотыгыз аны һәм богаулагыз!

31. Моннан соң тәмугта яндырыгыз аны!

32. Моннан соң аны озынлыгы җитмеш терсәк булган чылбырга бәйләгез!

33. Ул бөек Аллаһка ышанмаган иде бит.

34. Һәм мескенне туйдырырга өндәмәде.

35. Аңа бүген монда якын дус юк.

36. Һәм юынтык судан башка тәгам юк.

37. Аны гөнаһлылардан башка беркем дә ашамас».

38. "Әмма юк! Сез күреп торган белән ант итәм,"

39. һәм сез күрмәгән белән дә!

40. "Бу, хакыйкатьтә, хөрмәтле рәсүлнең сүзе."

41. "Шагыйрь сүзе түгел бу, сез аз инанасыз шул!"

42. Һәм күрәзәче сүзе дә түгел. Аз искә төшерәсез бит!

43. Бу — галәмнәр Раббысыннан иңдерү.

44. "Әгәр ул Безгә каршы нинди дә булса сүзләр сөйләгән булса,"

45. "әлбәттә, Без аны уң кулыннан тотар идек,"

46. һәм шуннан соң йөрәк тамырын кыркыр идек.

47. Һәм сезнең арагыздан аны берәү дә тоткарлый алмас иде.

48. "Хакыйкатьтә, тәкъвалык ияләренә искә төшерү бит."

49. Һәм Без арагызда ялган дип санаучылар бар икәнне беләбез.

50. "Һәм ул, хакыйкатьтә, кәферләр өчен хәсрәт!"

51. "Һәм ул, хакыйкатьтә, кире кагылмаслык хакыйкать."

52. Һәм бөек Раббыңның исемен тәсбихләп данла!