1. "Шәфкатьле, рәхимле Аллаһ исеме белән... Баеган вакыттагы йолдыз белән ант итәм!"
2. Сезнең юлдашыгыз юлдан да язмаган һәм сокланмаган да!
3. Һәм ул һәвәслек белән дә сөйләми!
4. Бу — күңелгә салынган вәхи генә.
5. "Аны ныклы көч иясе өйрәтте,"
6. "кодрәт заты, менә ул килеп басты."
7. Һәм ул иң югары офыкта.
8. Шуннан соң ул якынайды һәм тагы да якын килде.
9. Һәм ике ук арасы хәтле яки аннан да якынрак булды.
10. Һәм Ул үз колына вәхи кылган нәрсәне вәхи итте.
11. Аның күргән нәрсәсен йөрәге алдап күрсәтмәде.
12. Аның күргәне турында сез бәхәсләшерсезмени соң?
13. "Һәм ул аны башка иңүдә дә күрде,"
14. соңгы чиктәге лотос янында.
15. Аның янында сыеныр урын бакчасы бар.
16. Лотосны каплаган нәрсә каплаганда.
17. Аның карашы авышмады һәм читкә дә китмәде.
18. Ул Раббысының аятьләреннән иң бөеген чынлап та күрде.
19. "Сез исә әл-Ләт белән әл-Гүззәне күрдегезме,"
20. "һәм Мәнәтне — өченчесен, башкасын?"
21. "Сездә ир җенесле булып, Аныкы кыз җенесендәгеме әллә?"
22. "Шулай булса, гаделсез бүлүдер бу!"
23. Алар сез үзегез һәм аталарыгыз биргән исемнәр генә бит. Аллаһ алар белән бер дәлил дә иңдермәде. Алар үзләренең уй һәм нәфесләренең хисләренә иярәләр. Аларга Раббыларыннан кулланма килгән иде инде.
24. Әллә кешегә теләгәнеме?
25. Әхыйрәт тә һәм бу дөнья да Аллаһныкы бит!
26. "Күкләрдә күпме фәрештәләр бар! Аларның шәфә гате һич бернәрсәдән дә коткармый, әгәр Аллаһ Үзе теләгәненә һәм риза булганына рөхсәт иткәннән соң гына булмаса инде!"
27. "Хакыйкатьтә, әхыйрәт көненә иман китермәгәннәр дә фәрештәләргә хатыннар исемен тагалар бит."
28. "Аларның моның турысында һич белемнәре юк. Алар тик уйга гына иярәләр, ә зан исә хакыйкатьтән һич бернәрсә белән дә коткармас."
29. "Дөнья тереклеген генә теләп, Безне искә алудан баш тартканнардан син борылып куй!"
30. "Менә шул инде аларның белемдә җиткән дәрәҗәләре. Раббың, хакыйкатьтә, кем Аның юлыннан язганын бик яхшы белеп тора һәм кемнең туры юлдан киткәнен дә бик яхшы белеп тора."
31. "Күкләрдә һәм җирдә булган нәрсәләр Аллаһныкы, начарлык эшләгәннәргә кылганнарына күрә җәза бирсен өчен һәм яхшылык кылганнарга яхшылык белән түләсен өчен."
32. "Вак кимчелекләрдән башка гөнаһның олыларыннан һәм фәхеш гамәлләрдән сакланучыларга, хакыйкатьтә, Раббың киң ярлыкаучы. Ул сезне җирдән яратканда да һәм аналарыгыз карынында яралгы булганда да сезне бик яхшы белүче иде. Үзегезне үзегез мактамагыз! Ул кемнең тәкъвалык иясе икәнен яхшырак белә!"
33. Йөз борганны күрдеңме син?
34. Аз бирде һәм зыкы-саран булды.
35. Әллә анда яшерен нәрсә турында гыйлем бармы һәм ул күреп торамы?
36. Аңа Мусаның төргәкләрендә булган нәрсә турысында хәбәр ителмәдемени?
37. Һәм антына тугры булган Ибраһимныкында да?
38. "Йөк күтәреп баручы башканың йөген йөкләмәс,"
39. һәм кешегә үзе тырышып алган нәрсәдән башкасы булмас.
40. Аның тырышлыгы да күреләчәк әле!
41. Аннан соң аңа тулысынча түләү белән түләнер.
42. "Һәм Раббында, хакыйкатьтә, соңгы чиктер!"
43. "Һәм Ул, хакыйкатьтә, көлдерә дә, елата да."
44. "Һәм, хакыйкатьтә, Ул үтерә дә, терелтә дә,"
45. "һәм Ул, хакыйкатьтә, иш булучы ир белән хатынны яратты,"
46. "атылып, бәреп чыккан тамчыдан."
47. "Һәм башка вакыт барлыкка китерү дә, хакыйкатьтә, Аның өстендә."
48. "Һәм, хакыйкатьтә, Ул баетты да һәм мал да бирде,"
49. "һәм Ул, хакыйкатьтә, ачык йолдызның Раббысы,"
50. "һәм, хакыйкатьтә, Ул әүвәлге Гадьне һәлак итте,"
51. һәм Сәмүдне дә калдырмады!
52. "Һәм Нух кавемен тагы да элегрәк. Хакыйкатьтә, алар бигрәк тә залим һәм чиктән чыкканнар иде."
53. Һәм әл-Мүьтәфикәне әйләндереп ташлады.
54. Һәм каплаган нәрсә аларны каплады.
55. Раббың игелекләренең кайсысына шик тотарсың икән соң?
56. Бу — әүвәлге үгетләүчеләрдән үгетләүчедер!
57. Һичшиксез килә торган нәрсә якынайды.
58. Аллаһтан башка аны әйләндереп алучы юктыр!
59. Сез бу риваятьтән гаҗәпләнәсезме әллә?
60. Көләсез дә һәм еламыйсыз!
61. Һәм гамьсез булдыгыз.
62. Аллаһка сәҗдә кылыгызчы һәм гыйбадәт кылыгыз!
