1. "Шәфкатьле, рәхимле Аллаһ исеме белән... Кәфер булган һәм Аллаһ юлыннан язганнарның эшләрен Ул юкка чыгара."

2. "Иман китереп инанганнар һәм игелекле эшләр эшләгәннәрнең, һәм Мухәммәдкә иңдерелгән нәрсәгә - ул исә Раббыларыннан булган хаклык — инанганнарның яман эшләрен Ул бетерер һәм аларның хәлләрен төзәтер."

3. "Бу — кәфер булучылар ялганга ияргән өчен, һәм иман китереп инанучылар Раббыларыннан булган хаклыкка ияргән өчендер. Менә шулай Аллаһ кешеләргә аларның мисалларын китерә!"

4. "Кәферләрне очратсагыз— муеннарына чабу, һәм аларны нык итеп кыйнаганнан соң җепләрне ныгытыгыз. Һәм моның соңында — яки рәхимлек, яки фидия — сугыш йөкләрен салып куйганчыга кадәр. Менә шулай! Әгәр Аллаһ теләсә, әлбәттә, Ул Үзенә аларга каршы буларак ярдәм итәр иде, ләкин бәгъзеләрегезне икенчеләрегез белән сынар өчен кирәк булды. Аллаһ юлында үтерелгәннәрнең гамәлләрен исә Ул һич тә юкка чыгармас!"

5. Аларны туры юлга күндерер һәм хәлләрен төзек итәр!

6. Һәм аларны ул Үзе белдергән җәннәткә иңдерер.

7. "Ий, иман китереп инанучылар! Әгәр Аллаһка ярдәм итсәгез, Ул сезгә ярдәм итәр һәм сезнең аякларыгызны ныгытыр."

8. Кәфер булганнарга исә бетү һәм аларның гамәлләрен Ул юкка чыгарыр.

9. "Бу — аларга Аллаһтан иңдерелгән нәрсәне күрә алмаганнары өчен, һәм Ул аларның гамәлләрен уңышсыз итәр!"

10. "Әллә алар җир йөзендә йөрмәделәрме һәм аларга кадәр яшәгәннәрнең ахырлары ничек булганын күрмәделәрме? Аллаһ аларны һәлак итте, һәм кәферләргә дә шул ук!"

11. "Бу шуның өчендер: Аллаһ иман китереп инанучыларны саклаучы, кәферләрнең саклаучысы юк."

12. "Хакыйкатьтә, иман китереп инанучылар һәм игелек кылганнарны Аллаһ астында елгалар агып торган бакчаларга кертеп җибәрер, кәфер булучылар исә ләззәтләнәләр һәм хайваннар шикелле ашыйлар, һәм аларга сыеныр урын — ут!"

13. "Сине куып чыгарган карьягә караганда көчлерәк булган күпме карьяләрне Без һәлак иттек, һәм аларга ярдәмче дә булмады!"

14. Раббысыннан булган ачык аңлаешлыга нигезләнүче һәм үзенә начар эше матур итеп бизәлгән һәм аларның һәвәсләренә ияргәннәр охшашмыни?

15. "Тәкъваларга вәгъдә ителгән җәннәт— анда бозылмый торган судан елгалар, һәм тәме үзгәрми торган сөт елгалары, һәм эчүчеләргә ләззәтле булган хәмер елгалары, һәм чистартылган бал елгалары, һәм анда аларга һәртөрле җиләк-җимеш, һәм Раббыларыннан ярлыкау... Нәкъ мәңге утта торучы, һәм аңа кайнар су эчерелә торган кебек. Ул исә аларның эчәкләрен чабып өзә торган шикелле."

16. "Алар арасында сине тыңлаучылар да бар, алар синең яныңнан чыккач, белем бирелгәннәргә: «Күптән түгел генә нәрсә сөйләгән иде ул?» — диләр. Аллаһ боларның кальб-күңелләрен томалаган, һәм алар үзләренең һәвәсләренә ияргәннәр."

17. Туры юлдан баручыларга Ул турылыкны арттыра һәм аларга тәкъвалыкларын бирә.

18. "Сәгатьнең аларга кинәт кенә килүеннән башка нәрсәне алар көтеп алырлармы? Аның шартлары килде инде.Ул аларга килгәч, аларның искә алулары нәрсәгә кирәк соң?"

19. "Аллаһтан башка иләһ юк икәнен бел! Һәм үзеңнең гөнаһыңнан да, һәм иман китереп инанучы ирләргә дә һәм хатыннарга да ярлыкауны сора! Аллаһ сезнең әйләнеп йөргән урыныгызны да, кич кайтып ята торган урыныгызны да белә."

20. "Иман китереп инанучылар: «Сүрә төшерелгән булса иде», — дип әйтәләр. Әгәр хикмәтле итеп аңлатылган сүрә иңсә һәм анда сугыш искә алынса, кальб-күңелләрендә авыру булганнарның үлемнән куркып, һушын югалтучы карашы белән сиңа караганнарын күрәсең. Аларга лаеклырак иде"

21. "буйсыну һәм яхшы сүз. Инде эш ныклы рәвештә карар ителгәч, әгәр алар Аллаһ белән рас булсалар, үзләре өчен хәерлерәк булыр иде!"

22. "Ихтимал ки, сез кире кайтсагыз, җир йөзендә бозыклык таратырсыз һәм туганлык бәйләнешләрен өзәрсез?"

23. Болар — Аллаһ ләгънәтендәгеләр. Ул аларны саңгырау итте һәм күз карашларын сукырайтты.

24. Алар Коръән турында уйламаслармыни? Әллә аларның кальб-күңелләрендә йозаклармы?

25. "Хакыйкатьтә, туры юлны өйрәтүче җитәкчелек аларга аңлатылганнан соң, артларына кире кайтучыларга, шайтан матур итеп күрсәтте һәм аларны котыртты."

26. "Бу — алар Аллаһтан иңдерелгән нәрсәне яратмаганнарына: «Кайсыбер эштә без сезгә буйсынырбыз»,— дигәннәренә күрә. Аллаһ исә аларның серләрен белә!"

27. "Ничек булыр икән, фәрештәләр, аларның йөзләренә һәм аркаларына сугып, җаннарын алганда?"

28. "Бу — аларга Аллаһ ачуланган нәрсәгә ияргәннәренә, һәм Аның ризалыгы булган нәрсәне хуш күрмәгәннәре өчен. Ул аларның гамәлләрен юк итте!"

29. Әллә кальб-күңелләрендә авыру булганнар Аллаһ аларның явызлыкларын ачмас дип исәплиләрме?

30. "Әгәр теләсәк, Без аларны сиңа күрсәтер идек, һәм син аларны билгеләреннән, әлбәттә, белер идең, һәм, әлбәттә, сөйләшкәннәренең мәгънәләрен таныр идең, һәм Аллаһ сезнең гамәлләрегезне белеп тора!"

31. Һәм Без сезнең арагызда тырышлык күрсәтүчеләрне һәм сабырларны белгәнгә кадәр сезне сынаячакбыз һәм хәбәрләрегезне дә сынарбыз.

32. "Иман китермәгән, һәм Аллаһ юлыннан язган, һәм аларга туры юл күрсәткәннән соң рәсүлне мәшәкатьләндерүчеләр, хакыйкатьтә, Аллаһка бернәрсәдә дә һич зыян китерә алмаслар. Ул исә аларның гамәлләрен уңышсыз итәчәк!"

33. "Ий, иман китереп инанучылар! Аллаһка буйсыныгыз һәм рәсүлгә буйсыныгыз! һәм гамәлләрегезне буш итмәгез!"

34. "Хакыйкатьтә, кәфер булып, Аллаһ юлыннан язганнар кәфер килеш үлсәләр, Аллаһ аларны һич вакытта ярлыкамас!"

35. Үзегез өстен булган чакта йомшармагыз һәм тынычлыкка чакырмагыз. Аллаһ сезнең белән! Һәм Ул сезнең гамәлләрегезне көчсез итмәс!

36. "Хаклыкта, дөнья тереклеге— уен һәм күңел ачу! Әгәр сез иман китерсәгез һәм тәкъва булсагыз... Ул сезгә әҗерегезне бирер һәм сезнең малларыгызны да сорамас."

37. "Әгәр Ул сездән аны сораса һәм сездән төпченә икән, сез саранланасыз, һәм Ул сезнең ачуыгызны ачыклар!"

38. "Менә сез — Аллаһ юлында чыгым ясарга чакырылганнар, һәм сезнең арагызда сараннар да бар. Кем саранланса — ул үзе өчен саранланыр. Аллаһ бай бит, сез исә — фәкыйрьләр! Әгәр сез йөз борсагыз, Ул сезне башка кавем белән алмаштырыр һәм алар моннан соң сезнең шикелле булмаслар."