1. "Шәфкатьле, рәхимле Аллаһ исеме белән...  Әлиф ләм мим."

2. Бу — хикмәтле китапның аятьләре

3. "яхшылык кылучыларга кулланма һәм мәрхәмәттән буларак,"

4. "... намаз үтәүчеләргә, зәкәт бирүчеләргә, һәм алар әхыйрәт көненә инанучылардыр!"

5. Алар Раббыларының туры юлында һәм алар — уңышка ирешүчеләр!

6. Кешеләрдән шундыйлар да бар: алар һичбер белемсез Аллаһ юлыннан яздырыр өчен мәзәк-хикәяләрне сатып алалар һәм аны көлке итеп тоталар. Аларга хурлыклы газап булыр.

7. "Һәм аңа Безнең аятьләребез укылса, колакла рында саңгыраулык булган кебек масаеп борыльш куя, нәкъ ишетмәгәнгә салышып, нәкъ колакларында саңгыраулык бар шикелле. Аны үзәк өзгеч газаг  белән сөендер!"

8. "Хакыйкатьтә, иман китереп инанган һәм игелекле эшләр эшләгәннәргә рәхәтлек бакчаларыдыр."

9. "Аллаһның хак вәгъдәсе буенча алар анда мәнгегә! Ул — гыйззәт, хикмәт иясе!"

10. "Ул һичбер терәксез күкләрне бар итте, сез аларны күреп торасыз. Сезнең белән җир тетрәнмәсен өчен, җир өстенә нык торучыларны ташлады һәм Ул анда һәртөрле хайваннарны таратты, һәм Без күктән суны төшердек һәм анда һәртөрле затлы тиңдәш ишләрне үстереп чыгардык."

11. "Бу — Аллаһның барлыкка китергәне. Аннан башка булучылар нәрсәне барлыкка китергәннәр икән, Үземә күрсәтегез әле! Әйе, залимнәр — ачык адашуда!"

12. "Без Лукманга хикмәт биргән идек инде: «Атлаһка шөкер ит! Кем шөкрана булса, ул үзе өчен шөкер итә, кем исә кадерен белмәсә... Хакыйкатьтә. Аллаһ — бернәрсәгә мохтаҗ булмаучы, данлы!"

13. "Менә Лукман үз улын вәгазьләп: «Ий, улым! Аллаһка тиңдәш тотма! Ширек кылу, әлбәттә, бөек золым бит», — диде."

14. "Һәм Без кешегә ата-анасына карата васыять бирдек. Аны анасы хәлсезлек өстенә хәлсезлек белән йөкләп йөри һәм аны имчәктән аеру — ике елда. Миңа һәм ата-анага шөкер ит, кайтуың да — Миңа!"

15. "Һәм әгәр сине гыйлемең булмаган нәрсә белән Миңа тиңдәш тотарга тырыштырсалар, аларга итагатьтә булма! Һәм син дөньяда аларга яхшылыкта юлдаш бул! Һәм Миңа әверелүченең юлын тот. Аннан соң миңа кире кайтуыгыз булыр һәм Мин сезгә кылган гамәлләрегез турында хәбәр итеп бирермен!"

16. "«Ий, улым! Әгәр бу нәрсә хәрдәл орлыгы авырлыгында булып, кыя таш эчендә булса да, яки күкләрдә, яки җирдә булса да, аны Аллаһ китерер. Хакыйкатьтә, Аллаһ — ягымлы, хәбәрдар булучы!"

17. "Ий, улым! Намаз үтә, яхшыга өндә һәм яраксыздан тый, һәм сиңа ни кагылса да сабыр ит! Хакыйкатьтә, бу — эшләрдә кыю булудан!"

18. "Һәм кешеләр алдында чыраеңны сытма, һәм җир йөзендә масаеп йөрмә. Хакыйкатьтә, Аллаһ һәр масаючы, мактанчыкны сөймәс!"

19. "Һәм йөрүеңдә чамалап йөр, тавышыңны да түбәнәйт! Хакыйкатьтә, тавышларның иң ямьсезе ишәк тавышы бит!"

20. "Аллаһның сезгә күкләрдәге һәм җирдәгеләр-не буйсындырганын һәм ачык рәвештә дә, яшерен дә сезгә Үз нигъмәтләрен яудырганын күрмәдегезме-ни? Кешеләр арасында һичбер гыйлемсез, кулланмасыз һәм нурландыручы китапсыз Аллаһ турында бәхәсләшүчеләр дә бар!"

21. "Әгәр аларга: « Аллаһ сезгә иңдергәнгә иярегез!» дисәләр, алар: «Юк инде, без аталарыбыз тапкан нәрсәләргә иярәбез инде», — диләр. Хәтта, аларны ут газабына шайтан чакырып торса дамы?"

22. "Һәм кем үз йөзен Аллаһка юнәлдерсә, үзе күркәм эш эшләүче булып — ул ышанычлы таянычка ябышты инде. Бар эшләрнең дә ахыры — Аллаһка!"

23. "Һәм кем кәфер булса, аның кәферлеге сине борчымасын! Аларның кире кайтуы — Безгәдер һәм Без аларның кылган эшләрен хәбәр итәрбез! Хакыйкатьтә, Аллаһ күңел түрләрендә нәрсә булганын белә!"

24. "Без аларны әзрәк файдаландырырбыз, шуннан соң каты газапка дучар итәрбез."

25. "Һәм әгәр син алардан: «Күкләрне һәм җирне кем барлыкка китерде?» — дип сорасаң, алар, әлбәттә: «Аллаһ!» — дип әйтерләр. Син: «Аллаһка хәмед!» — дип әйт. Әмма аларның күбесе белми!"

26. "Күкләрдә һәм җирдә булган нәрсәләр — Аллаһныкы! Хакыйкатьтә, Аллаһ — бернәрсәгә дә мохтаҗ булмаучы, мактау иясе!"

27. "Әгәр җир йөзендәге булган агачлар каләм булсалар һәм диңгезгә янә җиде диңгез өстәлсә дә, хаклыкта, Аллаһның сүзләре бетмәс иде. Хакыйкатьтә, Аллаһ — гыйззәт, хикмәт иясе!"

28. "Сезнең барлыкка китерелүегез дә һәм җирдән терелтеп чыгарылуыгыз да бер җанда кебек кенә. Хакыйкатьтә, Аллаһ — ишетүче, күрүче!"

29. "Күрмәдеңмени: Аллаһ төнне көнгә кертә һәм көнне төнгә кертә, кояшны һәм айны буйсындыра: барысы да билгеләнгән вакытка кадәр йөри һәм Аллаһ, хакыйкатьтә, сез кылган гамәлләрдән хәбәрдар!"

30. "Бу — шуның өчендер, Аллаһ — ул хаклыктыр, сез дога кылган Аллаһтан башкага дога кылып сораганыгыз ялган, һәм, хакыйкатьтә Аллаһ — югары булучы, олы!"

31. "Син күрмәдеңмени: Аллаһның нигъмәте белән көймә диңгездә йөзеп йөри, сезгә Аның аятьләрен күрсәтер өчен. Хакыйкатьтә, һәр сабыр булучыга, шөкрана кылучыга монда, әлбәттә, аятьләр бардыр!"

32. "Әгәр аларны япма шикелле дулкын капласа, алар Аның алдында динне сафлап Аллаһка ихлас килеш ялваралар. Ул аларны корыга чыгарып коткарса инде ... алардан тыелып калучылар да булыр. Безнең аятьләребезне һәр хыянәтче, яхшылыкнын кадерен белмәүче генә инкарь итәр!"

33. "Ий, кешеләр! Раббыгыздан куркыгыз һәм шул көннән сакланыгыз: ул көнне тудыручы баласы өчен җавап бирмәс һәм бала да тудыручысы өчен  бернәрсә белән җавап бирмәс. Хакыйкатьтә, Аллаһ ның вәгъдәсе хак. Һәм сезне дөнья тереклеге кызыктырмасын һәм Аллаһ турында сезне сокландыручы да сокландырмасын!"

34. "Хакыйкатьтә, сәгать турындагы гыйлем — Аллаһта. Ул яңгыр яудыра һәм карыннарда булганнарны белә, һичбер җан иясе иртәгә нәрсә кәсеп кы лачагын белмәс, һәм һичбер җан да нинди җирлә үләчәген белми. Хакыйкатьтә, Аллаһ — белүче, хәбәрдар!"