Kurrë Mos Harroni!
Se Allahu Është Një dhe i Vetëm…

◉ Qëllimi ynë i vetëm në jetë është që t’i shërbejmë Allahut,

◉ Allahu përfshin çdo gjë nga Lindja në Perëndim,

◉ Allahu ushtron kontroll absolut mbi ngjarjet natyrore dhe Ai drejton çështjet e tyre në tërësi,

◉ Allahu i mban të gjithë njerëzit nën kontrollin e Tij, duke përfshirë nënat tona, etërit tonë, shokët e klasës dhe kolegët tonë,

◉ Allahu është mbrojtësi i vërtetë i njeriut,

◉ Allahu do të fitojë gjithmonë në fund,

◉ Është vetëm Allahu i Cili mund të na lehtësojë çdo lloj vështirësie që hasim,

◉ Allahu e di të vërtetën e fshehur të një ngjarje, hollësitë që kanë të bëjnë me të, dhe çdo aspekt tjetër të panjohur të saj,

◉ Allahu i di hollësitë e veprave që bën njeriu gjatë gjithë jetës së tij,

◉ Allahu ka fuqi të bëjë çdo gjë që Ai dëshiron,

◉ Allahu i di të gjitha detajet delikate që kanë të bëjnë me të gjitha çështjet, Ai u dhuron përfitime robërve të Tij të cilët i frikësohen Atij,

◉ Allahu i mbron ata që kërkojnë strehim tek ai dhe u ofron atyre lehtësim,

◉ Allahu dëshiron t’i bëjë gjërat më të lehta për ne,

◉ Gjithçka që na ndodhë, ndodhë nën kontrollin e Tij,

◉ Është Allahu që na dhuron të gjitha mirësitë tona,

◉ Allahu është poseduesi i çdo pasurie (jahte, shtëpie, makine, mobilieve, rrobave, bizhuterive, etj...) dhe pronari i vërtetë i të gjitha parave është Allahu,

◉ Allahu u siguron furnizim të gjitha gjallesave,

◉ Allahu do t’ia shtojë të mirat atij që Ai dëshiron,

◉ Çdo vepër që bëjmë duhet ta bëjmë vetëm për të fituar kënaqësinë e Tij,

◉ Allahu do t’i shpërblejë pamasë ato vepra që bëhen për të fituar kënaqësinë e Tij,

◉ Allahu na ka mësuar çdo gjë që ne dimë,

◉ Allahu është Ai i Cili na ka udhëzuar në të drejtën dhe dëshiron që ne të bëhemi besimtarë,

◉ Allahu është i lartësuar mbi çdo lloj gabueshmërie të veçantë për qeniet njerëzore dhe nuk ka nevojë për asgjë,

◉ Çdo qenie e gjallë në tokë ka nevojë për Të,

◉ Allahu është pafundësisht i ndërgjegjshëm,

◉ Allahu di çdo gjë, pa marr parasysh se a e mbajmë atë në veten tonë apo e bëjmë të ditur atë,

◉ Pa dyshim se Allahu i ndihmon ata që e ndihmojnë fenë e Tij,

◉ Allahu na sheh ne pa marr parasysh se ku jemi ose çfarë jemi duke bërë,

◉ Allahu është pafundësisht i drejtë dhe askujt nuk i bën padrejtësi as sa grimca më e vogël,

◉ Allahu nuk e dëmton njerëzimin në asnjë mënyrë,

◉ Allahu është Krijuesi i qiejve dhe i tokës, dhe kur Ai vendos për diçka, Ai vetëm i thotë "Bëhu!" dhe ajo bëhet,

◉ Allahu di çdo gjë përtej njohurive tona,

◉ Askush nuk mund të ndryshojë atë që dëshiron Allahu për dikë dhe askush nuk mund të ndalojë diçka të ndodhë, qoftë ajo e mirë apo e keqe, nëse atë e dëshiron Allahu për dikë,

◉ T’i shohim dhe të reflektojmë mbi Shenjat që Allahu i shfaq në trupat tuaj dhe jashtë jush,

◉ Gjithçka në tokë dhe në qiej e madhëron Atë,

◉ Vetëm Allahu meriton të madhërohet,

◉ Allahu nuk harron kurrë asgjë,

◉ Allahu është gjithmonë i gjallë, Ai nuk fle kurrë, dhe as nuk ka nevojë për gjumë,

◉ Allahu shëron zemrat e atyre që besojnë në mbështetjen e Tij,

◉ Allahu i mbështet besimtarët në çdo moment,

◉ Allahu fal dhe pranon pendimin nga robërit e Tij,

◉ Allahu nuk i dënon menjëherë keqbërësit, dhe u jep kohë njerëzve në mënyrë që ata të mund të pendohen dhe të kërkojnë falje,

◉ Allahu është gjithmonë Bujar ndaj robërve të Tij,

◉ Allahu dëshiron që robërit e Tij besnikë të fitojnë Xhenetin,

◉ Allahu do t’i shpërblejë ata që janë të durueshëm,

◉ Allahu është Ai që na jep shpirtin tonë dhe na jep shëndet,

◉ Allahu na shëron kur ne sëmuremi,

◉ Allahu na paralajmëron vazhdimisht për të na ndihmuar që ta arrijmë besimin e vërtetë dhe na përkujton në mënyra të ndryshme,

◉ Allahu na ka dhënë dashurinë për besimin dhe e ka bërë të urrejtur për ne mosbesimin, shmangien nga rruga e drejtë dhe mosbindjen,

◉ Allahu do të sjellë një popull të cilin Ai e do dhe të cilët e duan Atë për t’i zëvendësuar ata të cilët e braktisin fenë,

◉ Allahu ua fshin punët e këqija besimtarëve të vërtetë,

◉ Allahu ua jep fuqinë për të dalluar të mirën prej të keqes atyre që kanë frikë Allahun,

◉ Allahu është më afër nesh se kushdo apo çfarëdo qoftë,

◉ Ne duhet t’i lutemi Allahut që Ai të na mbajë ne si miq të Tij deri në përjetësi.

◉ Shejtani është armiku ynë më i madh,

◉ Shejtani pret me durim për t’i mashtruar njerëzit në çdo moment,

◉ Shejtani do të përpiqet që t’ju pengojë nga të qenit mirënjohës ndaj Zotit tuaj duke bërë që ju t’i harroni mirësitë e Tij,

◉ Shejtani dëshiron që ju të harroni se ekziston mirësi në çdo situatë dhe në këtë mënyrë t’ju pengojë që të mbështetni besimin tuaj në Allahun,

◉ Shejtani do të përpiqet ta rrënjos pakujdesinë, përtacinë, zemërimin, mungesën e vëmendjes, egoizmin dhe harresën në ju,

◉ Shejtani dëshiron që t’ju shmang nga adhurimet dhe sjellja e përgjegjshme ndaj Allahut,

◉ Shejtani nuk ka kurrfarë ndikimi, të çfarëdo lloji, në besimtarët e vërtetë,

◉ Të kërkoni mbrojtjen e Allahut kur të jeni të provokuar nga ndonjë sugjerim mashtrues nga shejtani do t’ju sjellë lehtësim,

◉ Harresa është arma më e madhe e shejtanit,

◉ Shejtani dëshiron t’ju shmangë që ta keni mendjen të preokupuar me përkujtimin e Allahut,

◉ Arroganca dhe kundërshtimi i së vërtetës janë atributet e djallit të mallkuar,

◉ Shejtani do të përpiqet që t’ju jep shpresa të rreme,

◉ Djalli kurrë nuk dëshiron që ju të angazhoheni në bërjen e veprave me të cilat është i kënaqur Allahu dhe me të cilat fitohet Xheneti,

◉ Qëllimi kryesor i shejtanit është që të bëjë që ju të fitoni vuajtjen e përjetshme, të cilën edhe ai vetë do ta fitojë,

◉ Shejtani nuk ka asnjë autoritet mbi njerëzit, por thjesht i thërret ata në rrugën e tij.

◉ Ta keni mendjen tuaj të preokupuar me përmendjen e Allahut,

◉ Ta kujtoni Allahun kur jeni duke qëndruar në këmbë, kur jeni ulur dhe kur jeni të shtrirë,

◉ Se asgjë përveç përmendjes së Allahut nuk e largon fatkeqësinë tonë, komplikimet në punët tona, dhe siguron lehtësim në zemrat tona,

◉ Se asgjë (as zanati e as tregtia) nuk duhet të na largojnë mendjen nga të përmendurit e Allahut,

◉ Të mbani mend se Allahu është më i madhi,

◉ Çdo njeri, duke përfshirë veten tonë dhe anëtarët e familjes sonë do të vdesin me siguri,

◉ Koha e vdekjes është e përcaktuar nga Zoti ynë,

◉ Vdekja e çdonjërit është e paracaktuar dhe se askush nuk mund ta shtyjë atë kohë të paracaktuar kur ajo vjen,

◉ Kur vdesim, do të kthehemi te Zoti ynë,

◉ Trupi ynë nuk do të ketë asnjë vlerë kur të vdesim,

◉ Kur të vendoset në tokë, trupi ynë do t’i nënshtrohet një procesi të shpejtë të kalbjes,

◉ Pendimi që bëhet në çastin e vdekjes mund të mos të pranohet,

◉ Të gjitha format e dobësisë në këtë botë na janë dhënë për të na kujtuar vdekjen,

◉ Të menduarit për vdekjen do të na pastrojë nga të gjitha ambiciet e rreme,

◉ Duhet t’i luteni Allahut që t’ju marrë si një musliman në çastin e vdekjes suaj.

◉ Edhe pse mund të duket e gjatë, jeta e kësaj bote është e shkurtër,

◉ Ajo që duket tërheqëse në këtë botë nuk është tjetër pos sprovë,

◉ Allahu e lejon çdo njeri të jetoj mjaftë gjatë me qëllim që njeriu që dëshiron të pendohet të ketë kohë për t’u penduar,

◉ Allahu krijoi jetën dhe vdekjen në mënyrë që të na sprovojë, për të parë se veprat e cilit prej nesh janë më të mira,

◉ Jeta e kësaj bote është e përkohshme,

◉ Të mirat e kësaj bote janë vetëm imitime inferiore të mirësive që ekzistojnë në Xhenet, dhe se ato janë krijuar posaçërisht për të na kujtuar Xhenetin,

◉ Me vullnetin e Allahut, e gjithë bota do të zhduket në Ditën e Gjykimit,

◉ Jeta e kësaj bote nuk është tjetër veçse një lojë dhe shmangie, dhe se shpëtimi i vërtetë është jeta e përtejme,

◉ Të mirat në këtë botë nuk duhet të jenë shkak i mburrjes,

◉ Besimtarët e vërtetë kurrë nuk e shesin botën tjetër për këtë botë.

◉ Ne po i afrohemi momentit të fundit me shpejtësi,

◉ Atë ditë, do të ketë katastrofa të papara,

◉ Dita e Ringjalljes do të vijë befas madje para se ju të mund ta kuptoni,

◉ Atë ditë nuk do të ketë vend për të ikur,

◉ Atë ditë prej çdonjërit do të kërkohet të jap llogari për veprat e veta para Allahut, dhe çdonjëri do të pyetet për të mirat që i ka gëzuar,

◉ Çdo njeri që ka jetuar ndonjëherë në tokë do të qëndrojë përpara Zotit të vet,

◉ Atë ditë malet do të bëhen pluhur,

◉ Atë ditë qielli do të çahet dhe do të skuqet si vaji i shkrirë,

◉ Yjet do të shuhen,

◉ Malet do të bëhen hi e pluhur, dhe do të bëhen si tufa leshi të ngjyrosur

◉ Allahu do t’i bëjë ato si një fushë shterpë e rrafshët,

◉ Qielli do të bëhet si kallaji i shkrirë,

◉ Çdo gjidhënëse do ta harrojë foshnjën në gjirin e saj,

◉ Ne do të dalim përpara Allahut vetëm, ashtu siç u krijuam për herë të parë,

◉ Gjithçka në qiej e në tokë, përveç ata që do Allahu, do të kaplohen nga frika,

◉ Njerëzit e këqij do të njihen nga gjurmët e tyre dhe do të kapen për balluket dhe këmbët e tyre,

◉ Askush nuk do të flasë, pos me lejen e Tij,

◉ Jobesimtarët do të jenë të përçmuar,

◉ Ata të cilët gënjyen ndaj Allahut do t’i kenë fytyrat e nxira,

◉ Zërat do të jenë të përulur para të Gjithëmëshirshmit dhe asgjë nuk do të dëgjohet, pos një pëshpëritje,

◉ Asnjë i njohur – as nëna, as vëllai dhe as babai i dikujt – nuk do të pyet për mikun e tij,

◉ Fajtorët do ta akuzojnë njëri-tjetrin,

◉ Çdo njeri do të gjejë të mirën që ka bërë dhe të keqen që ka bërë dhe do të dëshirojë që epoka të tëra ta ndanin prej tyre,

◉ Disa fytyra do të jenë rrezatuese,

◉ Çdo keqardhje që do të ndihet atë ditë do të jetë tejet e vonuar,

◉ Atë ditë nuk do të ketë kthim prapa,

◉ Atë ditë, nuk do të ketë frikë apo pikëllim për besimtarët e vërtetë.

◉ Allahu krijoi Xhenetin veçanërisht për besimtarët,

◉ Shpërblimet për ata që shesin veten e tyre dhe pasurinë e tyre do të jetë Xheneti,

◉ Besimtarët do të mbeten në Xhenet përjetësisht,

◉ Engjëjt do të takohen me besimtarët në Xhenet në mënyrën më të mirë,

◉ Ata do të gëzojnë paqe dhe siguri të plotë,

◉ Në Xhenet, do të kenë bashkëshorte me dëlirësi të përsosur,

◉ Në Xhenet, banorët e tij do të shohin kënaqësi dhe një mbretëri të madhe, ngado që kthehen,

◉ Ata do të jenë të mbështetur në kolltukë të mbuluar me mbulesa të kushtueshme,

◉ Do të ketë fruta të pjekura që mund t’i kapin me dorë,

◉ Nuk do të jetë as shumë nxehtë dhe as shumë ftohtë,

◉ Do të ketë kupa dhe damixhanë përreth tyre,

◉ Banorët e Xhenetit do të kenë atje gjithçka u do zemra dhe me të cilat kënaqen sytë e tyre,

◉ Askujt nuk do t’i bëhet padrejtësi atje,

◉ Allahu do t’iu dhurojë shkëlqim dhe lumturi banorëve të Xhenetit,

◉ Në Xhenet, nuk ka frikë të bërjes së gjynaheve,

◉ Çdo ligësi do të largohet nga zemrat e banorëve të Xhenetit,

◉ Besimtarët do t’i jenë mirënjohës Allahut në Xhenet,

◉ Nga mëshira e Allahut besimtarët do të fitojnë Xhenetin,

◉ Në Xhenet, askush nuk ndien lodhje,

◉ Askush nuk do të ndjejë frikë dhe nuk do të përjetojë asnjë pikëllim,

◉ Allahu do ta largojë gjithë pikëllimin nga zemrat e banorëve të Xhenetit,

◉ Lart mbi të gjitha të mirat e Xhenetit, qëndron kënaqësia e Allahut.

◉ Allahu e bëri Xhenetin të paligjshëm për ata që i përshkruajnë shok Atij dhe se banesa e tyre e përhershme është Xhehenemi,

◉ Zjarri i Xhehenemit do të zgjasë në përjetësi,

◉ Njerëzit e Xhehenemit do të ketë rroba prej zjarri të prera për ta,

◉ Njerëzit e Xhehenemit do të kenë veshur këmisha katrani,

◉ Fytyrat e tyre do të jenë të mbështjellura në zjarr,

◉ Uji i valë do t’u bjerë mbi kokat e tyre,

◉ Ijët dhe shpinat e tyre do të shënjohen/damkosen,

◉ Dyert e qiellit nuk do të jenë të hapura për ta,

◉ Njerëzit e Xhehenemit janë krijesat më të këqija,

◉ Dënimi në Xhehenem do të zgjas përgjithmonë,

◉ Prangat dhe zinxhirët dhe një Zjarr Përcëllues janë përgatitur për banorët e Xhehenemit,

◉ Nuk ekziston asgjë për të pirë në Xhehenem, përveç ujë të valë dhe qelb përvëlues,

◉ Banorët e Xhehenemit nuk kanë ushqim, por një shkurre të hidhur e me gjemba, e cila as nuk ushqen e as nuk kënaq,

◉ Pema e Zekumit është ushqimi i të ligjve, që vlon në bark si kallaji i shkrirë,

◉ Banorët e Xhehenemit do të jenë të lidhur me një zinxhir i cili është shtatëdhjetë kubit i gjatë,

◉ Ato do të rrihen me çomange të bëra prej hekuri,

◉ Ekziston një zjarr në Xhehenem, lëndë e të cilit janë njerëzit dhe gurët,

◉ Zjarri i Xhehenemit do të vlojë dhe hungërojë,

◉ Do të ketë rënkime për keqbërësit në Xhehenem,

◉ Xhehenemi është destinacion për të shthururit,

◉ Kur njerëzit e Xhehenemit të hidhen në një vend të ngushtë të mbyllur brenda tij, të lidhur me vargonj zinxhirësh, ata do të kërkojnë vet shkatërrimin e tyre,

◉ Ata as nuk do të vdesin as nuk do të jetojnë,

◉ Vdekja do t’u vijë pas banorëve të zjarrit nga të gjitha anët, por ata nuk do të vdesin,

◉ Ekziston një Zjarr me mure tymi valë-valë që do t’i rrethojë ata,

◉ Xhehenemi është një vend i zi sterrë dhe i mbushur me tym,

◉ Xhehenemi është një vend që nuk ofron as lehtësim e as kënaqësi,

◉ Një mur me një portë në të do të ngrihet në mes të njerëzve të Xhenetit dhe banorëve të Zjarrit,

◉ Dënimi nuk do të lehtësohet për banorët e Xhehenemit,

◉ Ata do të duan të dalin nga Zjarri, por nuk do të jenë në gjendje të dalin,

◉ Mbi ta ekziston një kube e mbyllur zjarri,

◉ Sa herë që lëkurat e tyre të digjen, ato do të zëvendësohen me lëkura të reja,

◉ Sytë e tyre do të jenë të dëshpëruar, të errësuar nga poshtërimi,

◉ Të gjithë do t’i njohin mëkatet e tyre,

◉ Banorët e Xhehenemit do të thonë: “Vetëm po të kishim dëgjuar dhe t’i kishim përdorur mendjet tona,”

◉ Ata do të thonë: “Vetëm sikur të mund të ktheheshim përsëri, do të mund të ishim prej besimtarëve,”

◉ Ata do të thonë: “Vetëm sikur t’i ishim bindur Allahut dhe të Dërguarit!”

◉ Ata do të pranojnë se “nuk kanë asnjë aleat a ndërmjetësues tjetër,”

◉ Ata do të thërrasin për të qenë të shpëtuar nga zjarri,

◉ Ata do t’i thërrasin banorët e Xhenetit: “Hidhni pak ujë për ne, ose nga ato me çka ju ka furnizuar Allahu.”

◉ Ata do ta mallkojnë njëri-tjetrin dhe do të luten për shkatërrimin e njëri-tjetrit,

◉ Ata do të vuajnë pendim dhe dëshpërim të pafund,

◉ Allahu nuk do të flasë me ta.

◉ Të ndiqni ndërgjegjen tuaj në çdo moment të jetës tuaj,

◉ Të jeni të drejtë kurdoherë që të keni mundësi, edhe nëse kjo është kundër jush, prindërve apo të afërmve tuaj,

◉ Të jeni të mëshirshëm dhe të butë,

◉ Të mos jeni kryelartë,

◉ Të mbroni amanetet tuaja,

◉ Që kur të përshëndeteni me selam, ta ktheni përshëndetjen me një të ngjashme ose më të mirë,

◉ Të kontrolloni zemërimin tuaj,

◉ T’i shmangeni debatit lidhur me çështjet për të cilat keni pak njohuri,

◉ T’i shmangeni mburrjes,

◉ Se i vetmi kriter i superioritetit është devotshmëria (takua - frikë-respekti apo frika ndaj Allahut e cila e frymëzon njeriun të jetë vigjilent për të mos bërë ndonjë veprim të gabuar dhe të jetë i etur për të bërë punë me të cilat Ai është i kënaqur),

◉ Se epshi gjithmonë urdhëron në vepra të shëmtuara dhe të liga,

◉ Që gjithmonë të synoni të bëni vepra të mira,

◉ T’i frikësoheni vetëm Allahun,

◉ T’i frikësoheni Allahut sa më shumë që të mundeni,

◉ Të urdhëroni për të mirë dhe të ndaloni të keqen,

◉ Se askush nuk mund ta mbaj barrën e tjetrit,

◉ Se Allahu nuk e do asnjë person të padobishëm apo mendjemadh,

◉ Të jeni të kujdesshëm ndaj namazit tuaj,

◉ Të mos i tallni të tjerët,

◉ Të mos e përgojoni njëri-tjetrin,

◉ Të jeni të nënshtruar ndaj Allahut,

◉ Të jeni të durueshëm për hir të Allahut,

◉ Ekzistencën e dy engjëjve regjistrues që qëndrojnë në të djathtë dhe në të majtë,

◉ T’iu shmangeni dyshimeve sa më shumë,

◉ Të mendoni në përputhje me Kur’anin,

◉ Se besimtarët nuk duhet të humbin shpresën,

◉ Se asgjë nuk duhet t’i pikëllojë besimtarët,

◉ Të mos mburreni për të mirat tuaja,

◉ Se gjithmonë është dikush që di më mirë,

◉ Se nuk ka dhunë kur feja është në pyetje, dhe se detyra e besimtarëve është thjesht për t’i përkujtuar të tjerët,

◉ Se uniteti në mesin e besimtarëve, ka rëndësi shumë të madhe,

◉ Të mos grindeni me besimtarët,

◉ Të jeni gjithmonë të përpiktë dhe t’i kushtoni vëmendje namazit tuaj dhe akteve të tjera të adhurimit, pavarësisht nga rrethanat,

◉ T’i drejtoheni Allahut për çdo vepër që bëni,

◉ Se Zoti juaj është Allahu, se gjithçka që bëni, e bëni vetëm për të fituar kënaqësinë e Tij, dhe se kompensimi ynë është përgjegjësi vetëm e Allahut.