1. (یه‌کێکه له ناوه‌کانی ڕۆژی قیامه‌ت) واته: ئه‌و گرمه‌یه‌یی دڵان ده‌له‌رزێنێت.
2. ئاخۆ_القارعه_چی بێت؟
3. (تۆ ئه‌ی ئینسان) چی فێری کردویت که_القارعه_چی یه!!
4. ئه‌و ڕۆژه خه‌ڵکی وه‌کو په‌پووله‌ی سه‌رگه‌ردان په‌رش و بڵاو ده‌بنه‌وه.
5. کێوه‌کانیش وه‌کو خوری شیکراوه‌یان لێ دێت (سووك ده‌بن و چاڵ و چۆڵیان پێ پڕ ده‌کرێته‌وه).
6. جا ئه‌وه‌ی ته‌رازووی خێری سه‌نگین بێت.
7. ئه‌وه له بارودۆخێکی خۆش و ئاسووده‌دا ژیان ده‌باته سه‌رو زۆر پێی ڕازیه.
8. ئه‌وه‌ش ته‌رازووی (خێرو چاکه‌ی) سووك بێت (گوناهی زۆر بێت).
9. ئه‌وه دایکی ئه‌و دۆزه‌خه (باوه‌شی بۆ کردۆته‌وه)
10. جا تۆ چووزانی (هاویه) چیه؟!
11. ئاگرێکی زۆر سوتێنه‌رو بڵێسه‌داره (هه‌رگیز خامۆش نابێت و تینی که‌م ناکات و له کۆڵی نابێته‌وه).
