Bora ilə Yaşıl Qurbağa

Həftə sonu Bora, atasıyla birlikdə balıq tutmaq üçün gölə getmişdi. Atası qarmaqları hazırlayarkən, Bora da bir az ətrafı gəzmək üçün atasından izn istədi. Atası çox uzaqlaşmaması şərtiylə Boranın bu istəyini qəbul etdi.

Bora suyun kənarındakı kolluqların arasında gəzməyə başladı. Birdən-birə budaqların arasından bir qurbağa tullanıb tam qabağındakı daşın üstünə qondu.

Qurbağa: Az qalsın məni əzəcəkdin.

Bora: Rəngin yarpaqlara o qədər bənzəyir ki, səni fərq edə bilmədim kiçik qurbağa. Məni Adım Boradır, mən də ətrafı gəzməyə çıxmışdım.

Qurbağa: Məmnun oldum Bora. Məni fərq edə bilməməyin çox normaldır. Mən bu kolların arasında yaşayıram və rəngim də bu yarpaqlarla uyğundur. Beləcə düşmənlərim də eyni sənin kimi məni fərq edə bilmirlər. Mən də asanlıqla gizlənə bilirəm.

Bora: Bəs yenə də səni görsələr, onda nə edərsən?

Qurbağa: Diqqətli baxsan barmaqlarımın arasında pərdə olduğunu görərsən. Tullanarkən barmaqlarımı açıram, beləcə havada süzülə bilirəm. Bəzən 12 metr məsafəyə qədər də uça bilirəm.

Bora: Bəs enmək istədikdə nə edirsən?

Qurbağa: Ayaqlarımdan istifadə edərək uçuşuma istiqamət verə bilirəm. Enişimi yavaşlatmaq üçün ayaqlarımdakı pərdələrdən bir paraşüt kimi istifadə edirəm.

Bora: Çox maraqlıdır, əvvəllər qurbağaların uça bildiyini heç eşitməmişdim.

Qurbağa: Bizim bəzi növlərimiz üzə bildiyi qədər uça da bilirlər. Bu, Rəbbimizin bizə verdiyi bir nemətdir. Allah bizim rənglərimizi də yaşadığımız mühitə kamuflyaj olacağımız şəkildə yaratmışdır. Buna hesab həyatımızı davam etdirə bilirik. Allah bizi belə yaratmasaydı qısa müddətdə başqa canlılar tərəfindən ovlanardıq.

Bora: Sizin barmaqlarınızın arasında pərdə olması uzaq məsafələrə tullanmağınız üçün lazımdır. Mənim ehtiyacım olmadığı üçün məndə yoxdur. Çünki hər canlının ehtiyacı müxtəlifdir, elə deyilmi?

Qurbağa: Bəli doğrusu çox gözəl izah etdin.

Bora: Allah həyatımızı asanlaşdırmaq üçün bizi ən gözəl şəkildə yaratmışdır. Bunun üçün Ona çox şükür etməliyik.

Qurbağa: Haqlısan Bora, Rəbbimiz hər canlını yaşadığı mühitə uyğun şəkildə yaratmışdır. Bizim hər ehtiyacımızı, bizə hələ doğularkən vermişdir.

Bora: Sevimli kiçik qurbağa, mən indi getməliyəm. Yoxsa atam məndən nigaran olacaq. Səninlə danışmaq çox gözəl idi, təkrar bura gəlsəm, yenə səni ziyarət edərəm.

Qurbağa: Oldu, çox məmnun olaram. Gülə-gülə Bora...

Bora: Əlvida.

Qurbağaların Ayaq Pərdələri

Allahın yaratdığı diqqət çəkici canlılardan biri də balta girməmiş meşələrdə yaşayan bir qurbağa növüdür. Zəif ayaqları və barmaqlarının arasında pərdə olan bu kiçik ağac qurbağasının ən əhəmiyyətli xüsusiyyəti, pərdəli ayaqlarından istifadə etməklə süzülərək uça bilməsidir. Ağacların üstündən uçarkən, enişini yavaşlatmaq istədiyi vaxt ayaqlarından 4 ədəd paraşüt kimi istifadə edər. Ayaq barmaqları arasındakı torları genişlədərək, bədən səthini az qala iki mislinə çıxardar. Uçan qurbağalar bir ağacın üzərinə enmədən əvvəl 12 metr məsafəyə qədər havada süzülə bilirlər. Hətta, qıçlarını hərəkət etdirərək və ayaq pərdələrinin formasını dəyişdirərək istiqamətlərini də tənzimləyə bilirlər.