Ömər ilə Pinqvin

Ömər, axşam yatmadan əvvəl atasıyla bir sənədli film izləmişdi. Bir çox canlının çətin şərtlərdə həyatlarını necə davam etdirdiklərini görmüş və çox təəccüblənmişdi. Yorğan-döşəyinə yatdıqda da izlədiyi sənədli filmi düşündü. Özünü o canlılarla eyni mühitdə xəyal etdi və birdən özünü qarla örtülmüş bir yerdə gördü. Dənizdə böyük buz hissəcikləri üzürdü. Ətrafda gəzməyə başladı.

Pinqvin: Xoş gəldin Ömər.

Ömər: Sən kimsən?

Pinqvin: Mən bir pinqvinəm.

Səsin sahibi sanki üzərinə bir smokin geymiş kimi dayanan bir canlı idi. Ömər onu dərhal xatırladı. Axşam izlədiyi sənədli filmdə pinqvinlərlə əlaqədar bir hissə də var idi.

Ömər: Bəli, sizin həyatınızı televiziyada seyr etmişdim. Bura olduqca soyuqdur, siz heç üşümürsünüzmü?

Pinqvin: Bura Cənub qütbüdür və burada temperaturun -88 dərəcəyə qədər endiyi kəskin şaxtalar olar. Bu mühit bir çox canlı üçün öldürücü ola bilər. Halbuki biz heç bir çətinliklə qarşılaşmadan həyatımızı davam etdirə bilirik. Bu da ancaq Allahın bizə verdiyi müxtəlif xüsusiyyətlər hesabına mümkün olur.

Dərimizin altındakı qalın yağ təbəqəsi hesabına soyuqdan digər canlılar qədər təsirlənmirik. Həmçinin qış gəldiyi vaxt dəniz kənarından daha cənuba tərəf gedərik.

Ömər: Demək birlikdə köç edirsiniz, başqa bilmədiyim nə kimi xüsusiyyətləriniz var? Məsələn, izlədiyim sənədli filmdə balalarınızın yumurtadan çıxana qədər yumurtalara çox diqqətlə baxdığınızdan bəhs edilmişdi. Mənə bir az izah edə bilərsənmi?

Pinqvin: Əlbəttə ki, izah edərəm. Məsələn, bir çox canlının əksinə pinqvinlərdə erkək kürtə yatar. Həm də bu vəzifəni təxminən -30 dərəcədə, 65 gün heç tərpənmədən yerinə yetirərlər. Bu vaxt ana pinqvin də doğulacaq bala üçün uzaqlarda yemək axtarar. Bala doğulduqdan sonra da birinci ay ana və atasının ayaqları arasında keçirər. Çünki səhvən 2 dəqiqə belə buradan çıxması donaraq ölməsinə səbəb olar.

Ömər: Yəni, olduqca diqqətli davranmanız lazımdır.

Pinqvin: Hər canlıya necə davranmasını Allah öyrətmişdir. Biz də Allahın bizə ilham etdiyi şəkildə hərəkət edərik.

Ömər: Rəbbimiz hər canlının nə vaxt harada məskən salacağını, yeməyini necə tapacağını öyrədib. Siz pinqvinlərin həyatı da buna çox gözəl bir nümunədir.

Pinqvin: Başqa canlılarda da müxtəlif nümunələr tapa bilərsən. Ailəm məni gözləyir, artıq getməliyəm.

Ömər birdən zəng səsi eşitdi. Səhər olmuşdu və saatı çalırdı. Kiçik səyahətinin gözəl bir yuxu olduğunu başa düşdü.