Murad ilə Pişik

Məktəbdən evə qayıtdıqda Muradı böyük bir sürpriz gözləyirdi. Atası ona kiçik bir pişik balası almışdı!

Murad boş vaxtlarını bu sevimli pişiklə oynayaraq keçirməyə başlamışdı. Bir gecə yatarkən pişiyin otaqdan çıxıb, qapqaranlıq bir otaqda süd qabını dərhal tapdığını gördükdə Murat heyrətə gəldi.

Murad: Görək bu qaranlıqda süd qabını necə də asanlıqla tapa bildin?

Pişik:: Murad, bizim görməyimiz üçün azacıq işıq kifayətdir. Gözlərimiz insanlarınkından fərqli yaradılmışdır. Göz bəbəklərimiz qaranlıqda mümkün olduğu qədər çox işıq qəbul etmək üçün böyüyərək yuvarlaqlaşırlar. Bundan başqa biz pişiklərin gözlərində siz insanlarınkında olmayan bir təbəqə vardır. Torlu qişanın dərhal arxasında yerləşən bu təbəqədən işıq əks olunur. Beləcə işıq torlu qişadan iki dəfə keçmiş olar. Biz də buna hesab qaranlıqda asanlıqla görə bilərik və gözlərimiz də daha parlaq olar. Şübhəsiz ki, Allah bizi hər cür şərait üçün ən uyğun şəkildə yaratmış, bizə ehtiyacımız olan xüsusiyyətləri vermişdir. Bu xüsusiyyətlərə təkamül nəzəriyyəsinin iddia etdiyi kimi vaxt ərzində və təsadüflər nəticəsində sahib olmağımız, əlbəttə ki, qeyri-mümkündür. Allah pişiklər kimi bütün canlıları bir anda qüsursuzca yaratmışdır.

Murad: İnsanlar sizi bir də hündür bir yerdən “həmişə dörd ayaq üstündə düşmə” qabiliyyətinizlə tanıyırlar. Bunu necə bacarırsınız?

Pişik: Haqlısan. Biz pişiklər ağacların üstündə, hündür yerlərdə gəzməyi çox sevərik. Ancaq buralardan düşmə təhlükəsinə qarşı Allah, bizlərə bu xüsusi qabiliyyəti vermişdir. Düşərkən tarazlığımızı təmin etmək üçün quyruğumuzdan istifadə edir və bədənimizin ağırlıq mərkəzini bunun hesabın dəyişdirib, pəncələrimizin üstünə düşməyi bacararıq. Bu qoruyucu xüsusiyyətiylə Allah sonsuz şəfqət və mərhəmətini göstərir.

Murad kiçik pişiyi şəfqətlə qucağına aldı. Hər gün qarşılaşdığı bu sevimli varlıqların əslində Allahın üstün yaradıcılığının nə qədər əhəmiyyətli bir dəlili olduğunu düşündü. Pişiklərə olan sevgisi və şəfqəti beləcə daha da artdı. Tükləri tumarlanan bala pişik də zümzümə edərək Murada olan sevgisini ifadə etdi.