Möminlərin Təmizliyi

Əli o gün çox həyəcanlı idi. Müəllimləri onlara “təmiz olmaq” mövzusunda bir tapşırıq vermişdi. Bu mövzu haqqında istədikləri mənbələrdən məlumatlar toplayıb, sonra da onları bir kağıza yazaraq sinifdə izah etmələrini istəmişdi. Əli bu günə qədər təmizlik mövzusunda bildiklərini yerinə yetirirdi. Amma bunları necə başa salacağına bir cür qərar verə bilmirdi. Əlbəttə ki, bu mövzu haqqında bilmədiyi daha bir çox şey vardı. Əlinin ağlına gözəl bir fikir gəldi. Müəllimləri hər cür qaynaqdan məlumat toplaya biləcəklərini dediyinə görə binalarında yaşayan Əhməd babadan çox yaxşı məlumatlar ala bilərdi. Dərhal dəftərini və qələmini götürdü, anasından izn istəyərək Əhməd Babanın evinə getdi. Əhməd Baba, Əlinin bu davranışından ötrü çox şad oldu. Birlikdə söhbət etməyə başladılar:

Əli: Əhməd baba. Hər insan təmiz olmalıdır, amma məktəbdəki bəzi yoldaşlarımın səhər üzlərini belə yumadan məktəbə gəldiklərini görürəm.

Əhməd baba: Əli, Allah Quranda möminlərə təmiz olmalarını, pislikdən uzaqlaşmalarını əmr etmişdir. Quran əxlaqını yaşamayan insanlar hər mövzuda olduğu kimi təmizlik mövzusunda da Quran əxlaqını yaşamadıqları üçün bu kimi pis vəziyyətlərə düşərlər. Möminlər fiziki olaraq tərtəmiz insanlardır. Bədənləri, yedikləri yeməklər, geydikləri geyimlər, yaşadıqları mühitlər həmişə təmizliyi və səliqəsiylə diqqətə çarpar. Olduqları hər yeri Quranda təsvir edilən, tərtəmiz cənnət mühitlərinə bənzətməyə çalışırlar. Allah möminlərin təmizlik anlayışının necə olmasının lazım olduğunu Quranda bu ayələrlə bildirmişdir:

Əli: Bəs Allahın Quranda bildirdiyi təmizliyi yaşaya bilmək üçün möminlərin nə etmələri lazımdır?

Əhməd baba: Allah insanların təmizlənməsi üçün su yaratmışdır. Su, böyük bir nemətdir, insanların Allaha şükür etməsi üçün bir vəsilədir. Səhər duran kimi ilk növbədə əl-üzünü yumaq, yuyunub günə tərtəmiz başlamaq lazımdır. Allah insanlara təmizlənmələri üçün göydən yağmur endirdiyini Quranda belə bildirmişdir:

Əli: Əhməd baba, bu ayədən şeytanın insanlara pislik verdiyini başa düşə bilərik, elə deyilmi? Yəni, pis olan insanlar şeytana uymuş olurlar.

Əhməd baba: Allah bu ayədə, şeytanın pisliyi gözəl göstərməyə və təmizlənməyə mane olmağa çalışdığını bildirərək insanları xəbərdar etmişdir. İnsanı Allahın yolundan sapdırmağa çalışan şeytan, təmizlənmə mövzusunda da insana həmişə təlqinlər verər. Məsələn, yeməklərdən sonra diş fırçalamağı ya da mümkün olduğu qədər müntəzəm şəkildə yuyunmağı insanlara çətin göstərərək təxirə salmağa, daha sonra da tamamilə unutdurmağa çalışır. Bir neçə dəfə bu mövzuda zəiflik göstərmək çox əhəmiyyətli nəticələr doğurmasa da, vaxt ərzində insanın görünüşündə və sağlamlığında problemlərə səbəb olar. Şeytanın məqsədi də budur. Böyük bir kin duyduğu və cəhənnəmə sürükləməyə çalışdığı insanın pislik içində yaşaması, dərisinin çirklənməsi, dişlərinin çürüməsi, pis bir görünüşə sahib olması və sağlamlığının pozulması da onun ən böyük arzusudur. Ancaq Quran əxlaqını yaşayan bir insan şeytanın bu təlqinlərinə qarşı ayıq-sayıq və diqqətlidir. Təmizlənmə mövzusunda da ən kiçik bir zəiflik göstərməz. İmkan olduğu qədər bütün hallarda təmizliyinə diqqət yetirər.

Əli: İnsanların bəziləri təmiz və səliqəli olsalar da həmişə eyni şəkildə görünmürlər. Məsələn, yalnız bayramlarda və ya müəyyən günlərdə təmiz və səliqəli, başqa vaxtlarda isə baxımsız görünürlər. Onların təmizlik anlayışları necədir?

Əhməd baba: Quran əxlaqını yaşamadıqları halda bəzi insanlar da təmizliyə çox diqqət yetirər və əhəmiyyət verərlər. Ancaq, məqsədləri və niyyətlərinə görə iman edənlərdən qəti olaraq fərqlənərlər. Bu insanların məqsədi, insanlar tərəfindən tənqid olunmamaq, onlara gözəl görünmək, pis qoxmamaqdır. Təmizlənərkən Allahın razılığını düşünmədikləri üçün tək olduqda ya da əhəmiyyət vermədikləri insanların yanında olanda görünüşlərinə və təmizliklərinə diqqət yetirməzlər. Ancaq bir mömin, insanlar tərəfindən bəyənilmək üçün deyil, Allahın razılığını qazanmaq, Onun əmrini yerinə yetirmək üçün təmizliyinə əhəmiyyət verər, günlərlə heç kimlə görüşməsə belə həmişə təmiz və baxımlıdır.

Əli: Əhməd babam verdiyin məlumatlar üçün çox təşəkkür edirəm. İzah etdiklərini düşünərək həm yazımı yazacağam, həm də bundan sonra təmizlik mövzusunda daha diqqətli olacağam.

Əli dərhal evə getdi və tapşırığını yazmağa başladı. Yazdıqlarını tezliklə məktəbdə yoldaşlarına və hər kəsə izah etmək üçün böyük bir həyəcan yaşayırdı. Onun Quran əxlaqını izah etmək üçün duyduğu bu şövq və həyəcan, iman edən hər insanda olmalı mömin əlamətlərindən biridir.