Çetin ilə Bəzəkli Tovuz Quşu

Həftə sonu Çetin, bacısı və anası zooparka getmişdilər. Bir-birindən sevimli, bir-birindən gözəl heyvanları təəccüblə izləyir, bəzilərinə yem verir, bəzilərini uzaqdan seyr edirdilər. Yaramaz bir fil balası Çetinin bacısının paltarına su fışqırtdı. Çetin və anası gülərək yollarına davam etdilər:

Çetinin anası: Baxın bu bəzəkli tovuz quşudur.

Çetin və bacısı həqiqətən də tovuz quşunun gözəlliyi qarşısında çox təsirlənmişdilər. Çetin daha yaxından baxa bilmək üçün tovuz quşuna bir az daha yaxınlaşdı.

Tovuz quşu: Salam sevimli Çetin. Mən həqiqətən də heyvanlar aləminin ən bəzəkli canlısı olaraq tanınıram.

Çetin: Quyruğun çox gözəldir. Bütün tovuz quşlarının quyruqları belədirmi?

Tovuz quşu: Xeyr kiçik dostum. Bu quyruq yalnız biz erkək tovuz quşlarında vardır. Biz bu gözəl quyruğumuzdan yoldaşımız olmasını istədiyimiz dişi tovuz quşlarını heyran etmək üçün istifadə edərik.

Çetin: Özünü görə bilməyən bir tovuz quşu quyruğunu açdıqda bu qədər gözəl və cazibədar göründüyündən necə əmin ola bilər ki? Bunun biri tərəfindən sizə öyrədilməsi lazım deyilmi? İnsanlar belə ancaq aynaya baxanda necə göründüklərindən tam əmin ola bilərlər.

Tovuz quşu: Haqlısan! Biz aynaya baxıb bu gözəlliyimizi görmürük. Quyruğumuzu bu şəkildə açarkən cazibədar hala gələcəyimizi bizə Allah öyrədir.

Çetin tovuz quşuna yaxından baxdıqda açılan quyruğundakı möhtəşəm rənglər və naxışlar qarşısında təəccübləndi.

Çetin: Sanki, möhtəşəm bir şəklə baxıram. Rənglər o qədər gözəldir ki...

Tovuz quşu: Quyruğumdakı bu gözəl naxışları mən çəkmiş ola bilərəmmi? Əlbəttə ki, bunlar qeyri-mümkündür kiçik yoldaşım. O halda biz tovuz quşlarının fövqəladə gözəl olan quyruğu özbaşına meydana gəlməmişdir. Bizim bu gözəl rənglərimizə hamı heyran qalır. Çünki bütün canlılar kimi bizi də bu gözəllikdə yaradan Allahdır.

Çetin: İndi canlıları bu qədər gözəl yaradanın Allah olduğunu yenidən başa düşdüm. Əlvida, gözəl yoldaşım!

Çetin Allahın üstün gücünə böyük bir heyranlıq duyaraq, bacısının və anasının yanına qayıtdı. Onlara da tovuz quşunun bu gözəlliyini Allahın yaratdığını xatırladacaqdı.

Tovuz quşu, Çətinin arxasından səsləndi.

Tovuz quşu: Əlvida!