Yer üzündə insanı heyrətləndirəcək qədər fərqli növdə canlı növləri yaşayır. Görməyə vərdiş etdiyimiz qarışqalar, bal arıları, itlər, pişiklər, ağcaqanadlar, hörümçəklər, atlar, toyuqlar, qağayılar, sərçələr və bir çox tez-tez rast gəlmədiyimiz canlılar vardır. Dünyanın fərqli bölgələrində yaşayan, bəzən adını belə eşitmədiyimiz, eşitsək də nəyə bənzədiyini bilmədiyimiz milyonlarla canlı növü vardır.

Məhz bu kitabda mövzu olan canlı da ətrafımızda görməyə vərdiş etmədiyimiz bir böcək növüdür. Həyatı və görünüşü ilə qismən qarışqalara bənzəyən bu növün adı “termit”dir. Termitlər qarışqalara bənzər canlılar olsa da, əslində onlardan çox fərqli xüsusiyyətlərə və qabiliyyətlərə sahiblərdir.

Termit haqqında bir kitab isə bəziləri üçün təəccübləndirici ola bilər. Kiçik bir böcək haqqında izah ediləcək çoxlu mövzu olmadığını düşünənlər ola bilər. Ancaq bu düşüncənin termitlərin xüsusiyyətlərini oxuduğunuzda səhv olduğunu görəcəksiniz. Çünki termit deyərək keçilən, haqqında bir çox şey bilinməyən bu canlı, əslində insana çox fərqli düşüncə üfüqü aça biləcək xüsusiyyətlərlə təchiz edilmişdir. 

Məhz buna görə bu kitabda, termitlərin gizli dünyası araşdırılmış, fiziki xüsusiyyətləri, yaşadıqları mükəmməl ictimai sistem detallarıyla izah edilmişdir. Bütün bunlar oxunduğunda insanın gələcəyi nəticə budur: Yer üzündəki bütün canlılar kimi termitlər də Allahın “örnəksiz və qüsursuz yaradan” adlarının açıq-aşkar bir dəlilidir.

O, Xaliq, yoxdan Yaradan, Surətverən Allahdır. Ən gözəl adlar yalnız Ona məxsusdur. Göylərdə və yerdə olanların hamısı Onun şəninə təriflər deyir. O, Qüdrətlidir, Müdrikdir. (Həşr surəsi, 24)

Ağıllı dizayn yəni yaradılış

Kitabda bəzən qarşınıza Allahın yaratmasındakı mükəmməlliyi vurğulamaq üçün istifadə etdiyimiz “dizayn” sözü çıxacaq. Bu sözün hansı məqsədlə istifadə edildiyinin doğru başa düşülməsi çox əhəmiyyətlidir. Allahın bütün kainatda qüsursuz dizayn yaratmış olması, Rəbbimizin əvvəlcə planladığı daha sonra yaratdığı mənasını verməz. Bilinməlidir ki, yerlərin və göylərin Rəbbi olan Allahın yaratmaq üçün hər hansı “dizayn” etməyə ehtiyacı yoxdur. Allahın hazırlaması və yaratması eyni anda olar. Allah bu cür qüsurlardan münəzzəhdir. Allah, bir şeyin ya da bir işin olmasını istədikdə, onun olması üçün yalnız “Ol!” deməsi kifayətdir. Ayələrdə belə buyurulur:

Bir şeyi yaratmaq istədikdə ona təkcə: “Ol!” deyər, o da olar. (Yasin surəsi, 82)

Göyləri və yeri icad edən Odur. O, bir işi yaratmaq istədikdə ona ancaq: “Ol!” – deyər, o da olar. (Bəqərə surəsi, 117)