Beşinci Fəsil: Sudan Quruya Olan Keçid Təkamül Nəzəriyyəsinin Uydurduğu Nağıldır

Təkamül nəzəriyyəsinin elmi əsassızlığının nümunələrindən biri: Tısbağa

Təkamül nəzəriyyəsi balıqları və yaxud sürünən heyvanlar kimi canlı qruplarının əmələ gəlməsini məntiqlə izah etmək iqtidarında olmadığı kimi bu qrupları təşkil edən ayrı-ayrı növlərin əmələ gəlməsi məsələsində də gücsüzdür. Məsələn, sürünən heyvanlar sinfindən olan tısbağalar paleontoloqların qazıntı halında aşkar etdiyi heyvan qalıqlarının arasında xüsusi və inkişaf etmiş müasir tısbağalardan heç nə ilə fərqlənməyən bağa qını ilə tapılıblar.

Təkamülçü nəşrlərin birinin ifadəsinə görə, tısbağaların yaxşı qorunmuş çoxsaylı qalıqlarının olsa da əvvəllər olduğu kimi tısbağalardan təkamül zəncirində şərti olaraq əcdadı tısbağa sayılan heyvanlara qədər keçid formada qalıqlarını tapmaq mümkün olmur.

Lakin 1938-ci il, dekabrın 22-də Hind okeanında maraqlı kəşf edildi. 70 milyon il bundan əvvəl nəsli kəsilmiş sayılan keçid forması - "coelacanth" balığı okeanda diri halda aşkar olundu. Heç şübhəsiz ki, bu tapıntı təkamülçüləri pərt etmişdi. Təkamülçü-paleontoloq C.L.B.Smit belə demişdi: "Mənim qarşıma hətta dinozavr çıxsaydı, mən bu dərəcədə təəccüblənməzdim".34 Sonrakı illərdə başqa yerlərdə də "coelacanth" balığının 200-dən artıq sayda fərdləri aşkar olunmuşdu. Təkamülçülərin uydurmasının necə dərin ola bilməsi bu balıqların aşkar olunması ilə meydana çıxdı. Bütün iddialara baxmayaraq bu balıqlarda nə inkişaf etmiş beyin, nə də primitiv ağ ciyərlər yox idi. Ağ ciyər kimi qəbul etdikləri isə əslində yalnız piy vəzisi idi.35 Həmçinin bəlli olduğu kimi, "quruya keçmək üçün hazır olan namizəd", yəni "coelacanth" balığı okeanın dərin sularında yaşayır və dərinliyi 180 metrdən az olan məsafəyə qalxmır.36

Sudan Quruya Keçid Niyə Mümkün Deyil?

Təkamülçülər iddia edir ki, günlərin bir günündə suda yaşayan heyvanlar necə olursa quruya çıxaraq quru heyvanlarına çevriliblər. Amma bu keçidi mümkünsüz edən saysız-hesabsız anatomik və fizioloji faktorlar var. Diqqətinizə ən parlaq təzahür edən faktorların təsnifatını çatdırırıq.

1. Öz bədəninin ağırlığını daşımaq:

Suda (dənizlərdə) yaşayan canlılar heç vaxt öz bədənlərinin ağırlığı problemi ilə üzləşmirlər. Bunun əksinə olaraq quruda yaşayan heyvanların əksər hissəsi enerjisinin 40%-ni öz bədən ağırlığını daşımağa sərf edir. Su mühitini tərk edən və quruda həyata başlayan heyvan mütləq bədəninin ağırlığına tab gətirə biləcək yeni skelet və əzələlər yetişdirməli, çəkini daşıyıb gətirmək üçün enerjini təmin etməlidir. Lakin həyati sistemlərin bu cür mürəkkəb komplekslərinin inkişafını təsadüfi mutasiyalarla izah etməyə cəhd göstərmək mənasızdır.

2. Bədən hərarətinin saxlanılması:

Quruda havanın hərarəti tez-tez və böyük amplitudada dəyişə bilir. Quruda yaşayan heyvanın orqanizmində hava şəraitinin dəyişməsindən asılı olaraq heyvan orqanizmində sabit temperaturu (hərarəti) qoruyub saxlayan, yaxşı inkişaf etmiş metabolizm sistemi mövcuddur. Eyni zamanda isə dənizlərdə temperatur tədricən dəyişir və heç vaxt quruda olduğu kimi tez-tez dəyişmir.

Buna görə də suda yaşayan heyvanlar suyun sabit temperaturuna uyğun fizioloji sistemlərə malikdir. Beləliklə, sudan quruya keçid zamanı heyvan öz orqanizmində xarici mühitin şərtlərinə müvafiq olaraq bədən temperaturunu tənzim edən qoruyucu mexanizmlər formalaşdırmağa məcburdur. Heç şübhəsiz ki, balıqların sudan quruya keçdiyi vaxt təsadüfi mutasiyalar nəticəsində yuxarıda adıçəkilən sistemlərə malik olması iddiasını irəli sürmək ən azı sadəlövhlükdür.

3.Sudan istifadə edilməsi:

Bütün canlılar üçün həyatın vacib qaynaqlarından olan su quruda olduqca məhdud miqdardadır. Bu səbəbdən heyvan sudan, hətta havanın rütubət səviyyəsindən çox qənaətlə istifadə etməlidir. Beləliklə, məsələn, dəri nəmliyin (rütubətin) itirilməsinə və buxarlanmasına mane olan sistemlərə malik olmalıdır. Heyvan orqanizmin daxilində tənzimlənən susuzluq hissini duymalıdır. Eyni zamanda suda yaşayan canlılar susuzluq hissinə bələd deyillər və onların dərisi su olmayan mühitə uyğun deyil.

4. Böyrəklər:

Suda yaşayan canlı orqanizmlər suyun bol olması sayəsində bədəndə yığılmış ammonyak və s. kimi kimyəvi maddələrin qalıqlarını süzüb təmizlənə bilirlər. Quraqlıqda yaşayan heyvanlar isə sudan qənaətlə istifadə etməyə məcburdur, amma orqanizmin şlaklardan (qalıqlardan) təmizlənməsi üçün onlarda yaxşı inkişaf etmiş böyrək sistemi var. Böyrəklərin funksiyası sahəsində ammonyak öz şəklini dəyişib sidik kisəsinə toplanır və beləliklə, şlakların orqanizmdən çıxarılması üçün suyun minimum miqdarından istifadə olunur. Bundan əlavə, böyrəklərin işləməsi üçün tamamilə yeni fizioloji mexanizmlərin olması labüddür.

Yuxarıda deyilənləri yekunlaşdıraraq nəticə belə çıxaraq: böyrəkləri olmayan suda yaşayan heyvan sudan kənar həyata başlamaq üçün o saat orqanizmində şlaklardan təmizləyən böyrək sistemini inkişaf etdirməlidir.

5. Tənəffüs sistemi:

Balıqlar suda həll olmuş oksigeni qəlsəmələr vasitəsilə alırlar. Buna görə quruya keçəndən sonra boğulmamaq üçün balıqlar orqanizmlərində ani surətdə ağ ciyərlər vasitəsilə gerçəkləşən mükəmməl tənəffüs sistemini işləyib hazırlamalıdır

Əlbəttə, tamamilə aydındır ki, bir heyvanın orqanizmində yuxarıda sadalanan bütün fizioloji dəyişikliklərin dərhal və təsadüfən əmələ gəlməsi qətiyyən mümkün deyil.