Uçmaq minlərlə ildir ki, bəşəriyyətin idealı halına gəlmiş, çox sayda elm adamının və tədqiqatçının əmək, vaxt və pul xərclədiyi bir sahə olmuşdur. Çox primitiv bəzi sınaqlar başqa, uçan vasitələr ancaq 20-ci əsrdə düzəldilə bilmişdi. Bəşəriyyətin çoxəsrlik texnoloji imkanları ilə etməyə çalışdıqları bu işi, dünya üzərində 150 milyon ildir mövcud olduqları məlum olan quşlar qüsursuz şəkildə həyata keçirirlər. Yeni doğulan bir quş balası belə, insanların ancaq yüksək texnologiya ilə nail olduğu bu xüsusi istedadı, çox qısa müddət ərzində qazanır.

Bəs bu heyranlıq doğuran canlılar necə ortaya çıxmışdır?

Quşları tədqiq edən hər kəs, digər canlılar kimi onların da çox yaxşı hazırlanmış bədən quruluşlarına malik olduqlarını fərq edər. Bu vəziyyətin bizi gətirəcəyi nəticə isə, quşların qüsursuz yaradılışın məhsulu olmasıdır.

Ancaq təkamül nəzəriyyəsi bu həqiqəti qəbul etmək istəmir. 

Təkamül nəzəriyyəsinə görə bütün canlılar ortaq bir atadan törəyərək şaxələnmişlər. Bu ssenariyə görə, saylarının 100 milyona1 çatdığı düşünülən canlı növləri bir-birlərindən törəmək məcburiyyətindədir. Təkamülçülər həyatın mənşəyi və müxtəlifliyi mövzusunda açıqlama olaraq iki əsas mexanizm irəli sürürlər: Təbii seleksiya və mutasiyalar. (Ətraflı məlumat üçün baxın: Harun Yəhya, Təkamül aldatması, Həyatın gerçək mənşəyi) Halbuki hər iki mexanizmin də yeni bir canlı yaratmaq xüsusiyyəti yoxdur; çünki bunlar hər hansı bir məqsədə uyğun olmayan zərərli və təsadüfi təsirlərdir. Əlbəttə, məqsədsiz və şüursuz şəkildə inkişaf edən təsadüflərin planlı, nizamlı və müəyyən bir məqsədə uyğun olaraq hazırlanmış canlılar meydana gətirmələri mümkün deyil. Kor təsadüflər, canlılara kompleks orqanlar və sistemlər verə bilməzlər.

Ağıl sahibi bir insan, həyatı öyrəndikcə, təkamül nəzəriyyəsinin həyatın mənşəyini təsadüflərə əsaslandıran bu iddiasının axmaqlığını hiss edəcəkdir. Dizayn görüb buna məqsədsiz demək, nizam görüb təsadüf demək, göz görə-görə həqiqətləri inkar etməkdən başqa bir şey deyildir. Bu inkarın əsasında isə, təkamülçülərin materialist fəlsəfəyə olan bağlılıqları və yaradılış həqiqətinə olan mövhumatçı reaksiyaları yatır. Təkamülçülər bir Yaradıcının varlığını qəbul etməkdənsə, kor təsadüflərin sözdə yaratma gücü olduğuna və şüursuzluğu, məqsədsizliyi ifadə edən bu anlayışın hər şeyi edə biləcəyinə inanmağı üstün tuturlar.

Ancaq burada yanlış inancı görmək çox asandır: Bir maket təyyarənin hissələrini təsadüfi yerə qoysanız, bu parçalar külək, ildırım, yağış, zəlzələ kimi təsirlərlə təsadüf əsəri birləşərək, bütün bir təyyarə maketi halına gəlməyəcəkdir. Üstəlik, bu məsələdə təyyarənin bütün hissələri əvvəlcədən bir-birinə uyğun olaraq düzəldilmişdir. Buna baxmayaraq, nə qədər gözlənilsə də doğru parçaların yan-yana gələrək bir-birinə birləşməsi mümkün deyil. Bu layihə ancaq şüurlu bir varlığın hissələri bir yerə toplaması ilə baş verər. Amma təkamülçülərə görə təsadüflər, bu nümunələrlə müqayisə olmayacaq qədər mükəmməl sistemlər qurur, həssas tarazlıqlar yaradır. Buradakı məntiq çöküntüsü son dərəcə açıqdır.

Canlıların hər biri ayrı bir dizayn möcüzəsidir. İrəli sürülən təkamül mexanizmləri isə, təkamülçülərin iddialarına heç bir töhfə vermir. Bu mexanizmlərin ilki olan təbii seleksiya, yaşadıqları mühitlə harmoniya içində olan canlıların həyatda qaldığını, uyğunsuz olanların isə yox olduğunu nəzərdə tutur. Təkamülçülərə görə bu şüursuz seçmə şəkli, canlılara bir-birindən mürəkkəb orqanlar, sistemlər qazandırır; Amma bu iddianın əsaslı heç bir dəlili və elmi dayağı yoxdur. Müşahidələr, təbii seleksiyanın yalnız uyğun olmayan şəxsləri seçməkdə işə yaradığını, canlılara yeni orqanlar və sistemlər qatmasının isə mümkün olmadığını göstərir. Məşhur bioloq DArcy Wentworth Thompson bunu belə şərh edir: 

Təbii seleksiyada gördüyümüz şey yaratmaq yox, yox etmək, budamaq və yanğına sürükləməkdir.2

Bir sözlə, təbii seleksiya ilə yeni bir növün meydana çıxması mümkün deyil. Üstəlik, təbii seleksiya ilə seçim prosesi, həm şüursuzdur, həm də canlıların genetik məlumatlarına bir töhfəsi olmaz. Yəni təbii seleksiya ilə canlıda bir dəyişiklik meydana gəlsə də bu dəyişiklik özündən sonrakı fərdlərə ötürülə bilməz. Genlərə təsir edən tək təbii mexanizm mutasiyadır. Mutasiyalar isə canlıların genetik quruluşlarında meydana gələn zərərlərdir və mutasiyaların genetik informasiyaya faydalı bir əlavə etdikləri heç bir zaman müşahidə olunmamışdır.3 

Təkamülçülərin təbii seleksiya və mutasiyalar yolu təkmilləşmə iddiaları əsassızdır, çünki; 

1) Təbii seleksiya gələcəyi görərək planlaşdırma edə bilməz, 

2) Mutasiyalar heç bir zaman inkişaf edən bir “fayda” yaratmazlar. 

New Mexico Universitetindən professor John O. Woller Mutasiyalarla inkişaf iddiasının ağılsızlığına belə toxunur:

Ümumi təkamül üçün lazımlı olan təsadüfi dizayn tənzimləmələri, məntiqi fəlakətlərdir. Radiasiya, köçürülmə xətaları ya da təklif edilən digər mənbələrin səbəb olduğu təsadüfi mutasiyalar çox nadir hallarda dizayn tənzimləmələrini ortaya çıxarırlar, daha inkişaf etmiş mükəmməl dizaynları isə heç bir zaman yaratmazlar.4

Belə bir düşünək. Özünüz üçün bir ehtiyac müəyyən etdiniz: Məsələn, orqanizminizdə istilik reseptorları olanda daha çox səmərəli həyat sürəcəyinizə qənaət gətirdiniz, ya da sizin üçün mühüm əhəmiyyət daşıyacağını düşündüyünüz başqa bir orqanın varlığına ehtiyac duydunuz. Bunu orqanizminizdə meydana gətirə bilərdiniz? Bədəninizdəki digər bütün orqanlarla koordinasiya şəklində, təəccüblənmədən, zamanlaması mükəmməl şəkildə, tam ehtiyacınız olduqda lazımi tədbirləri alaraq sizi qorumaq, sizə faydalı olmaq üçün dayanmadan çalışan bir orqan və ya sistem yarada bilərdiniz? Sonra da bunu sizdən sonrakı nəsillərə ötürəcək lazımi genetik şifrələri xətasız şəkildə DNA-nıza kodlaşdıra bilərdiniz?

Bu, nə qədər istəsəniz, nə qədər çalışsanız da mümkün olmazdı. Sizin kimi ağıl və şüur sahibi bir varlığın bunu bacarması mümkün deyilkən, şüursuz molekullar bunu necə bacara bilər? Beləliklə, şüursuz molekulların hüceyrələr inşa etdiklərini, sonra da bunların genetik quruluşlarında təsadüf əsəri qüsursuz tənzimləmələr baş verdiyini iddia etməyin heç bir elmi əsası yoxdur.

Bütün bunların nəticəsi olaraq, zaman içərisində təsadüfi sözdə təkamül mexanizmləri bir canlının başda uçmaq qabiliyyəti olmaq üzrə mükəmməl xüsusiyyətlərə sahib bir quşa çevrilməsi, quşun da yenə fərqli mükəmməl xüsusiyyətlərə sahib başqa bir canlıya çevrilməsi mümkün deyil. Canlılardakı müxtəliflik Allahın sonsuz elminin, yaratma sənətinin dəlillərindən yalnız biridir. Təkamülçülər isə bu həqiqəti qəbul etməmək üçün həqiqətdən uzaq izahlara yapışıb qalırlar.

Canlı aləmin mürəkkəbliyinin getdikcə daha yaxşı aydın olduğu son 20 il ərzində təkamül nəzəriyyəsinin müdafiə etdiyi təsadüf ehkamına reaksiya göstərən elm adamlarının sayı artmışdır. Məsələn, Yeni Zelandiyadakı Otega Universitetindən molekulyar bioloq Maykl Denton, təkamül nəzəriyyəsinin çıxılmaz vəziyyətlərini özündən soruşanda, təsadüfi mutasiya iddialarını belə tənqid edir:

Mənim ən ciddi etirazım mutasiyaların mahiyyəti ilə əlaqədardır. Darvinizm təkamül prosesində seçilmiş olan bütün mutasiyaların ilk dəfə meydana gələndə tamamilə təsadüfi olduğu fikrinə əsaslanır. Mutasiyalar təsadüfidir. Elə Darvinizmin təməli budur. Canlılardakı mutasiya daxilolması hər zaman olduğu kimi təsadüfidir.

Darvinizm təbiətdəki bütün uyğun quruluşların və tarix boyu mövcud olan bütün orqanizmlərin tamamilə nəzarətsiz mutasiyaların təcrübəsi ilə meydana gəldiyini iddia edir. Bu iddia ən kiçik sübutu olmayan əsassız fikirdir…

İkinci problem isə təbiətdə çox sayda kompleks sistem olduğu və bu problem nə qədər istənməyən olursa olsun və insanlar nə qədər bunu görməməyə çalışırsa çalışsın, təbiətdə olan çoxsaylı irəli dərəcədə mürəkkəb sistemin, kiçik təsadüfi mutasiyaların zaman ərzində toplanması nəticəsində heç bir şəkildə yarana bilməyəcəyidir...

Əslində çox zaman bioloji ədəbiyyatda bu sistemlərin necə baş verdiyini açıqlayacaq bir təşəbbüs də yoxdur. Klassik bir nümunə quşun ağciyəridir və başqalarını da saya bilərəm, ancaq hamı quşun ağ ciyərinin özünə xas dövranla əlaqədar bir quruluşu olduğunu bilir. Hər hansı inkişaf etmiş bir canlının fiziologiyası baxımından bu qədər zəruri olan bir orqanın bu şəkildə kiçik bir sıra hadisə ilə qeyri-adi şəkildə dəyişikliyə məruz qalmasının qeyri-mümkün olduğunu görmək üçün çox da biologiya biliyinə ehtiyac yoxdur. Bu bizim təkrar ört-bas edə bilməyəcəyimiz bir məsələdir. Çünki təməldə Darvinin dediyi kimi, əgər hər hansı bir orqanın kiçik mərhələlərlə zaman ərzində inkişaf etmiş olmayacağı göstərilə bilirsə, bu nəzəriyyə tamamilə əsassız olacaq.

Ağılla düşündükdə təbiətdə buna bənzər bir çox nümunə vardır.5

Budur sizin Rəbbiniz olan Allah. Ondan başqa ibadətə layiq olan məbud yoxdur. Hər şeyin Yaradıcısı Allahdır! Elə isə Ona ibadət edin! O, hər şeyi Qoruyandır. (Ənam surəsi, 102)