Quru ərazi üçün hazırlanmış cihazın uçması necə mümkün deyilsə, uçmaq üçün yaradılmamış canlıların uçması da mümkün deyil. Çünki bir quru ərazi vasitəsinin, məsələn, bir avtomobilin istehsalı üçün çalışan insanların ixtisas sahələri, nəzərə aldıqları şərtlər, istifadə etdikləri materialların cinsi, izlədikləri dizayn planı, istehsal zamanı istifadə etdikləri metodlar, parçalar və daha bir çox detal bir təyyarənin istehsalında istifadə edilənlərdən tamamilə fərqlidir. Bənzərlik göstərən materiallar olsa da, funksiya, şəkil, böyüklük kimi bir çox cəhətdən bunlar da istifadə ediləcəkləri yerə görə, xüsusi olaraq nəzərdə tutmuşlar. Bir arabanın da, təyyarənin də şüşələri və təkərləri var. Ancaq bunlar hər bir nəqliyyat vasitəsi üçün çox xüsusi hesablara əsaslanaraq, layihələndirmə məqsədlərinə qarşı ən uyğun materiallar istifadə edilməklə istehsal edilirlər. Bunlardakı ən kiçik bir yanlışlıq, seçim səhvi son dərəcə təhlükəli nəticələr doğura bilər. Belə ki, bu şüurlu dizaynın fərqində olduqlarından, kimsə bir maşına baxıb “əslində təyyarə oxşarlıqları var, bu avtomobil zaman içərisində xarici faktorların təsadüfi formalaşdırmaları uçar hala gələ bilər” kimi utopik bir iddia ilə ortaya çıxmaz. Çünki quru nəqliyyat vasitəsi, üzərindən milyonlarla il keçsə də uçmağa əlverişli hala gələ bilməz. Təkamül nəzəriyyəsinin quşların mənşəyi üçün irəli sürdüyü bəyanatlar da ən az bu qədər imkansız və ağılsızlıqdır.
Kitab boyu gördüyümüz kimi, quşların və digər uçan canlıların quru canlılarından təkamül keçirdiyinə dair heç bir dəlil yoxdur. Əksinə, malik olduqları kompleks quruluşlar və bunların fosil qeydlərində birdən-birə ortaya çıxışı, bütün bu canlıların lazımi uçuş sistemləri ilə birlikdə yaradıldıqlarını göstərir.
Bu canlıların başqa canlılarla keçdiyi iddiası, elmdən başqa bir sıra məqsədlər səbəbi ilə müdafiə edilən bir ehkamdır. Bu məqsədlərin başında şübhəsiz, Darvinizmin fəlsəfi əsası olan materialist fəlsəfənin yaşadılması gəlir. Digər bir məqsəd isə şəxsi maraqlardır. Təkamül nəzəriyyəsini dəstəkləyən güclü və zəngin “guya elmi aləm” var və bunun dəstəyini qazanmaq başlı-başına bir məqsəd olur. Bir ömür boyu qarşıya məqsəd qoyulan işlərin, sərf olunan əmək və sərvətlərin boşa çıxması, etibar və karyera qayğısı kimi üzləşməkdən çəkinilən məsələlər var. Smitsonian İnstitutunda Quşlar bölməsinin rəhbəri Storrs L. Olson bu məsələyə belə toxunur:
“Quşlar dinozavrdır” iddiasını dəstəkləyən insanlar bu mübahisədə (guya quşların təkamülünün dinozavrlardan, yoxsa başqa bir sürünən qrupundan mı olduğu mübahisəsi) uzun müddət səslərini yüksəltdilər. Quşların dinozavrlara çevrilməsi iddiası ilə bağlı çox sayda problem var. Nəzəriyyə buna baxmayaraq populyar mediada reklam mövzusu olub... Quşlar dinozavr fikrini alt-üst etmək çox böyük rüsvayçılığa səbəb olacaqdır. Bu mübahisəyə bağlanmış milyonlarla dollar və çox sayda karyera var.253
Təkamül nəzəriyyəsinə bağlılığın aludəçilik halına gəlməsindəki ən əhəmiyyətli səbəb isə əvvəldə qeyd etdiyimiz materialist fəlsəfə və onunla guya elmi dayaq tapan ateizmdir. Bəzi insanlar özlərini Allahın yaratdığına, Rəbbimizə qarşı məsuliyyətləri olduğuna və dünyadakı həyatlarından axirət həyatlarında məsuliyyətli olacaqlarına inanmaq istəmirlər. Buna görə inkarlarına özlərinə görə yaxşı zəmin hazırlamağa çalışırlar. Ancaq Allahın varlığı heç bir yalan ilə gizlədilə bilməyəcək qədər açıqdır. Bu insanlar hər nəfəs aldıqda, damarlarında axan qanda, yerdəki bir qarışqada, yedikləri bir portağalda bir sözlə baxdıqları hər yerdə Allahın varlığının dəlilləri ilə əhatə edilmişlər.
Quranda Allah “bilə-bilə Allaha qarşı yalan söyləyirlər” olanlardan (Ali İmran surəsi, 75), “hər bir yalançıya və günahkara nazil olarlar”dan (Şuəra surəsi, 222), “haqqı bilə-bilə gizlədir”dən (Bəqərə surəsi, 146) və “haqqa batil donu geyindirənlər”dən (Bəqərə surəsi, 42), “batil dəlilləri ilə haqqı aradan qaldırmaq üçün mübahisə edənlər”dən (Kəhf surəsi, 56) bəhs edir. Günümüzdə də rast gəldiyimiz bu cür şəxslərin mövqelərini keçmişdəki qövmlər nümayiş etdiriblər və eyni səhvlə yer üzündə ömürlərini keçirmişlər. Ancaq Allahın varlığı, birliyi və hər şeyin tək Yaradıcısı olduğu həqiqətini qəbul etmək istəməyən bu kəslər, hər dövrdə batil inancı müdafiə etdikləri üçün “... Biz haqqı batilin üstünə atarıq və o da onun işini bitirər. Bir anda batilin yox olub getdiyini görərsiniz...” ayəsinə görə məqsədlərində uğurlu ola bilməmişdirlər. (Ənbiya surəsi, 18)
İman edən kəslərin davranışı isə Quranda bildirildiyi kimi “həqiqəti və doğrunu araşdırıb tapmaq” (Cin surəsi, 14) və “Allah üçün, haqqı ayaqda tutmaq”. (Maidə surəsi, 8)
Bu həqiqət, yerdə və göydəki hər şeyin tək Yaradıcısının, Rəbbimiz olan Allah olmasıdır.
Allahın bənzərsiz yaratma sənəti Quranda belə bildirilir:
O, göyləri və yeri icad edəndir. Onun zövcəsi olmadığı halda övladı necə ola bilər? Hər şeyi O xəlq etmişdir. O, hər şeyi bilir. Budur sizin Rəbbiniz olan Allah. Ondan başqa ibadətə layiq olan məbud yoxdur. Hər şeyin Yaradıcısı Allahdır! Elə isə Ona ibadət edin! O, hər şeyi Qoruyandır. Gözlər Onu dərk etmir. O isə gözləri dərk edir. O, Lətifdir, hər şeydən Xəbərdardır. De: “Rəbbinizdən sizə göz qabağında olan dəlillər gəlmişdir. Kim onları görsə, xeyri onun özünə, kim kor olsa zərəri onun öz əleyhinə olar. Mən sizin üstünüzdə gözətçi deyiləm”. (Ənam surəsi, 101-104)
