Təkamül ssenarisinin iddialarından biri də quşları əhatə edir. Bu ssenariyə görə, sudakı canlılarla (amfibiyalardan) bir qismi sürünənlərə çevrilib quru heyvanı halına gəlmişdir. Bu heyvanlardan bir qismi də quşlar qrupunu yaratmışlar. 

Təkamülçü iddialara görə, quşlar, günümüzdən təxminən 150-200 milyon il əvvəl, guya sürünən atalarından törəmişlər. Quş namizədi olan bu xəyali canlılar, tam bir quş olana qədər mərhələ-mərhələ yeni xüsusiyyətlər qazanmışlar. Buna görə də uçmaq qabiliyyəti də ssenari gərəyi mərhələ-mərhələ bugünkü mükəmməl halını almışdır. Ancaq təkamülçülərin yaşadığını fərz etdikləri yarı quş sürünən canlıların izinə 1.5 əsrdir davam edən səylərə baxmayaraq heç bir yerdə rast gəlinməmişdir. Yer üzü təbəqələrində yarısı pulcuq yarısı tüklə örtülü dəriləri olan, ya da tək qanadlı və ya yarım qanadlı ara keçid formalarına rast gəlinmədiyi kimi, iddiaların əksinə yalnız mükəmməl strukturlardakı, qüsursuz, tam canlılara aid qalıqlar tapılıb.

Əlbəttə ki, bu vəziyyət təkamülçülərin iddiaları baxımından son dərəcə düşündürücüdür. Çünki bu elmdən kənar hekayəni təsdiq edən heç bir dəlil olmamasına baxmayaraq, təkamülçülər bu iddialarını israrla davam etdirirlər; Bir gün bu xəyallarının gerçək olacağı ümidini daşıyırlar. Təkamülçülərin bir növ reallaşmayan xəyallarına dəstək təmin etmək səyləri, sonrakı fəsillərdə ətraflı toxunacağımız təhriflərdən, qərəzli fikirlərdən uzağa gedə bilməmişdir.

Yer üzündə on mindən çox quş növü yaşayır. Bu quşların hər biri bir-birindən fərqli xüsusiyyətlərə malikdir. Şahinin iti gözləri, geniş qanadları və iti caynaqları var. Yüzlərlə metr hündürlükdə süzülərkən, yuxarıdan bala bir dovşanı fərq edə biləcək qədər kəskin gözlərə malikdir.

Bir neçə yüz qramlıq yağış quşları, hər il qışı keçirmək üçün 4.000 kilometrlik yolu 88 saat ərzində qanad çalaraq və okean üzərində marşrutlarını səhv etmədən qət edərlər. 

Tutuquşular səs təqlidi qabiliyyətləri ilə ən zəkalı bir neçə canlıdan biridir. Tutuquşular, çox fərqli bir səs orqanı anatomiyaları olduğu halda (məsələn dişləri və dodaqları olmasa da) insanların çıxardığı səslərə çox oxşar səslər çıxara bilirlər.

Məlum olan ən kiçik quş olan milçək quşu, uzun dimdiyi ilə çiçək nektarları və çiçəklərin içində yerləşən kiçik həşəratlarla qidalana bilir. Qida ala bilmək üçün çiçəyin qarşısında havadan asılı olaraq qalmalıdır və sahib olduğu xüsusi yaradılışla bunu edə bilən yeganə quş milçək quşudur.

Bayquş isə incə, amma kəskin olmayan tüklərindəki xüsusi yaradılış sayəsində, gecələr etdiyi ov uçuşları zamanı tam bir səssizlik əldə edir. Bu gün bayquşun qanadları, hava turbolentlisinin (gurultunu) əngəlləməsi ilə elm adamlarının təqlid etməyə çalışdıqları layihələr arasında yerini almışdır.

3.5 metrlik qanadları ilə ən uzun qanad sahibi olan albatroslar həyatlarının 92%-ni açıq dənizlərdə keçirir və demək olar ki, quruya düşməzlər. Albatrosların çox uzun müddət dayanmadan uçmaları isə, qanadlarını mümkün qədər geniş açaraq, qanad çalmadan, hava axınlarından istifadə edərək uçmaları ilə mümkün olur.

Ala qarğalar topladıqları qozaları daha sonra istifadə etmək üçün torpağa basdırırlar. Hər yeri bir-birinə bənzəyən bir meşənin içində 9 ay keçdikdən sonra belə, güclü yaddaşları ilə bu qozaları tapıb ortaya çıxara bilirlər.

Quşlar, balaları ilə məşğul olma qaydaları, onlara olan şəfqətli davranışları da son dərəcə diqqət çəkicidir. Bəzi quşlar çox detallı yuvalar tikirlər və yuvanın planında bir çox şərti nəzərə alırlar. Məsələn, dəniz kənarında yaşayan quşlar yuvalarını batmayacaq şəkildə və buna uyğun material ilə edirlər; Hətta su yüksəldiyi təqdirdə yuva içindəki balaların bundan ziyan görməmələrini hesablayırlar. Qamışlıq ərazilərdə yaşayan bəzi quşlar isə, yumurtaları küləyin təsiri ilə düşməsin deyə yuvalarının divarlarını yüksək edirlər. Quşların cild-cild kitab ilə izah edilə biləcək müxtəliflikdəki bir-birindən fərqli xüsusi yuva dizaynları, ağıllı davranışları, fədakarlıqları ağıl və şüurdan məhrum bu canlılar üçün necə mümkün olur? 

Quşların sahib olduqları xüsusiyyətləri zaman içində yavaş-yavaş qazanmış olmaları mümkün deyildir, çünki belə bir prosesin ara mərhələlərində həyatda qalmaları mümkün deyil. Belə ki, təkamülçülərin iddia etdiyi kimi, mərhələ-mərhələ kamilləşən bir canlı yoxdur; Əksinə, fərqli canlı qrupları, yer üzü təbəqələrində ilk çıxdıqları andan etibarən hazırkı mükəmməl halları ilə mövcuddurlar.

Bunlar, quşların yaradıldığının elmi dəlilləridir. Bu dəlillər, insanlara Quranda öyrədilən bir həqiqəti təsdiq edir: Bu canlıları, sahib olduqları bacarıqlarla və buna uyğun layihələrlə yaradan, hər şeyin Yaradıcısı olan Allahdır. Quranda Allah “... Elə bir canlı yoxdur ki, Allah onun kəkilindən tutmuş olmasın...” (Hud surəsi, 56) ayəsi ilə canlılar üzərində olan hakimiyyətini bildirir. 

Quşlar da sahib olduqları qüsursuz xüsusiyyətləri, göylərin və yerin Rəbbi olan Allahın sənətinin və elminin nümunələrindən yalnız birini göstərir:

...Göylərin, yerin və onların arasında olanların səltənəti Allaha məxsusdur. Dönüş də ancaq Onadır... (Maidə surəsi, 17)