Mikro Dünya Möcüzəsi

Evinizdə tək başınıza oturursunuz. Görəsən həqiqətən təksinizmi? “Tək başımayam” dediyiniz bir anda belə əslində olduqca çox sayda canlı ilə bərabərsiniz. Orqanizminizdə sizinlə birlikdə yaşayan və sizi həmişə qoruyan, bəzən də xəstələnmənizə səbəb olan bakteriyalar; oturduğunuz kreslodan xalçanıza, tənəffüs etdiyiniz havaya qədər hər yerə yayılmış vəziyyətdəki gənələr; mətbəxinizdə bir neçə gündür çölə qoyduğunuz yeməklərdə törəməyə başlayan kif və göbələklər… Bunların hamısı öz həyat şəkilləri, bəslənmə sistemləri və müxtəlif xüsusiyyətləri ilə tamam ayrı bir aləm meydana gətirirlər.

Bəlkə də, indiyə qədər ətrafınızdakı insan-heyvan-bitki üçlüyünün canlıları meydana gətirən yeganə birliklər olduğunu düşünürdünüz. Ancaq yer üzünün hər tərəfinə yayılmış bu gizli dünyanın üzvləri, mikroorqanizmlər, digər canlılardan daha çox geniş populyasiyaya sahibdirlər.

İnsanların bir qismi gözlə görülməyən bu canlıların son dərəcə sadə varlıqlar olduqlarını zənn edirlər. Bu səbəblə də bunların qabiliyyət və güclərinin fərqində belə deyildirlər. Tamamilə aldatmaya əsaslanan təkamül nəzəriyyəsinin təqibçiləri də insanların bu məlumat azlığından faydalanar və bu canlıların kompleks xüsusiyyətlərini çox dilə gətirməzlər. Bakteriyaların reallaşdırdığı son dərəcə ağıllı işləri görməməzdən gələr, bir virusun insan orqanizmini şüurlu zəbt etməsini izah etməyə ehtiyac duymazlar.

Bu kitabda, mikro dünyadakı canlıların Allahın yaratmasındakı üstün ağıl, sənət və qüdrəti necə əks etdirdiyini, canlıları şüursuz təsadüflərlə şərh etməyə çalışan təkamül tərəfdarlarını isə necə böyük çıxılmaz vəziyyətə saldığını təəccüblü nümunələriylə araşdıracağıq.