Həzrəti İsa (ə.s), Allahın üstün elmlərlə dəstəklədiyi dəyərli bir quludur. Allahın lütfü ilə, hələ beşikdə ikən danışmış, dünyada qaldığı müddət ərzində ətrafındakı insanlara böyük möcüzələr göstərmişdir. Digər bütün peyğəmbərlərdən fərqli olaraq ölmədən Allah Qatına alınmışdır və Quranda təkrar dünyaya göndəriləcəyi xəbər verilir. Hz. İsa (ə.s)-ın ikinci dəfə yer üzünə gəlişi bütün insanlar üçün çox böyük bir nemət, Allahdan bir lütfdür.
Hz. İsa (ə.s) gəldiyində günahsız, tərtəmiz və nurlu üzü ilə, hikmətli, ağıllı və məqsədəuyğun danışıqlarıyla dərhal diqqəti çəkəcək, dünya üzərindəki bütün insanlar həyatlarında ilk dəfə ən yüksək insani xüsusiyyətlərə sahib mübarək bir peyğəmbər görəcəklər. Onun keçmiş həyatı kimi yer üzünə ikinci dəfə gəlişindən sonrakı həyatı da Allahın icazəsiylə möcüzələrlə dolu olacaq. Hz. İsa (ə.s)-ı ikinci dəfə gəlişində tanımamızı təmin edən ən əhəmiyyətli xüsusiyyətlərdən biri onun dünyada bir ailəsinin, qohumunun, keçmişdən tanışı, tək bir adamın olmaması olacaq.
Bu kitabı oxuyarkən bir tərəfdən hz. İsa (ə.s)-ın Quran ayələrində və hədislərdə bildirilən, möcüzələrlə dolu həyatı haqqında məlumat sahibi olarkən, bir tərəfdən də çox xüsusi bir zaman dilimində yaşadığınızı fərq edəcəksiniz. Unudulmamalıdır ki, hz. İsa (ə.s)-ın gəlişi bütün dünyaya təsir edəcək fövqəladəliklər daşıyan, möcüzəvi və metafizik bir hadisədir. Məhz bu səbəblə bütün iman sahiblərinin qısa müddətdə hərəkətə keçmələri və birlik içində hz. İsa (ə.s)-ı ən gözəl şəkildə qarşılamaq üçün əllərindəki bütün imkanları səfərbər etmələri lazımdır. Həyəcanla, sevgi ilə, şövqlə ediləcək bu böyük hazırlıq hərəkəti bir dua olacaq, bu hazırlığı etməyənlər isə hz. İsa (ə.s) yer üzünə döndüyü zaman şübhəsiz, çox böyük peşmanlıq hissi yaşayacaqlar.
Bütün əlamətlər bizə göstərir ki: hz. İsa (ə.s)-ın zühuru çox yaxındır və hazırlıq etmək üçün itiriləcək zaman yoxdur.
