Kainatdaki Möcüzələr

İçində yaşadığımız kainatın böyüklüyünü heç düşünübsünüzmü? Hər halda, bu barədə o qədər çox düşünməyibsiniz. Düşünsəniz belə, kainatın genişliyini tam şəkildə başa düşməyiniz çox çətindir. Bunu sizə bir nümunə ilə izah edək: ağlınıza gələn ən böyük genişliyi xəyalınızda canlandırın. Məsələn, şəhərinizin bir tərəfindən digər tərəfinə qədər olan sahənin çox geniş olduğunu təsəvvür edə bilərsiniz. Yaxud da bir çoxunuz yaşadığınız ölkənin şərqindən tutmuş qərbinə qədər hər yeri gəzib nə qədər geniş olduğuna şahid olub. Hətta sizlərdən bəziləri ölkənizdən çox uzaq ölkəyə səyahət etmiş ola bilər. Lakin bunu unutmayın! Bütün dünyanı dolaşsanız belə, dünyadakı heç bir uzaqlıq kainatın genişliyini anlamaq üçün kifayət deyil. Çünki dünyanın kainatda tutduğu yer toz dənəsi qədər də deyil.