Giriş

İnsan bədəni, yer üzündəki ən mürəkkəb maşındır. Həyatımız boyu bu bədənlə görər, eşidər, nəfəs alar, yeriyər, qaçar və zövq alarıq. Bədənimiz, sümükləri, əzələləri, damarları və daxili orqanları ilə mükəmməl nizam və dizayna malikdir. Bu dizaynın incəliklərinə getdikdə isə, daha da heyrətamiz həqiqətlərə rast gəlinər. Bir-birindən fərqli kimi görünən bədən hissələrinin hamısı eyni vəsaitlərdən ibarətdir. Hüceyrələrdən...

Rabbiniz dedi ki: "Bana dua edin, size icabet edeyim. Doğrusu Bana ibadet etmekten büyüklenen (müstekbir)ler; cehenneme boyun bükmüş kimseler olarak gireceklerdir. (Mü'min Suresi, 60)

Bədənimizdəki hər şey millimetrin mində bir hissəsi böyüklüyündəki hüceyrələrdən meydana gələr. Bu hüceyrələrdən bəziləri birləşərək sümükləri, bəziləri sinirləri, bəziləri qaraciyəri, bəziləri mədəmizin daxili quruluşunu, bəziləri dərimizi, bəziləri isə gözümüzün buynuz qişa təbəqəsini meydana gətirər. Hüceyrələr bədənin hansı hissəsini əmələ gətirirlərsə bu nahiyədə ehtiyac duyulan ölçüyə və formaya sahib olurlar.

Bu qədər fərqli vəzifələr boynuna götürən hüceyrələr necə və nə vaxt meydana gəliblər?

Məhz bu suala veriləcək cavab, bizi hər anı möcüzələrlə dolu olan bir hadisəyə aparacaq. Bu gün sizin bədəninizi təşkil edən təxminən 100 trilyon hüceyrənin hamısı, tək bir hüceyrədən çoxalaraq meydana gəliblər. Hazırda sahib olduğunuz hüceyrələrlə eyni quruluşa sahib olan bu tək hüceyrə də, ananızın yumurta hüceyrəsi ilə atanızın spermatozoid hüceyrəsinin birləşməsiylə əmələ gəlmişdir.

Allah Quranda insanlara, bəzən göylərdəki və yerdəki, bəzən də canlılardakı yaradılış möcüzələrini, Öz varlığının dəlilləri kimi nümunə göstərir. Bu dəlillərin ən əhəmiyyətlilərindən biri də, bəhs etdiyimiz mövzu, digər bir sözlə, insanın öz yaradılışındakı möcüzələrdir.

Bir çox ayədə insanın, ibrət almaq üçün, bilavasitə öz yaradılışına dönüb baxması nəsihət edilir. İnsanın necə yarandığı, yaranarkən hansı mərhələlərdən keçdiyi təfsilatlı şəkildə təsvir edilir. Vaqiə surəsindəki ayələrdə, insanın yaradılışı belə izah edilir:

Sizi Biz yaratdıq, yenə də təsdiqləməyəcəksiniz? İndi (bətnlərə) axıtdığınız spermanı gördünüz mü? Onu siz yaradırsınız, yoxsa Biz? (Vaqiə surəsi, 57-59)

İnsan bədənini meydana gətirən 60-70 kiloluq ət və sümük kütləsinin özü başlanğıcda bir damla suda toplanmışdır. Ağıl sahibi, eşidən, görən, hiss edən və bədən quruluşu etibarilə olduqca mürəkkəb quruluşa malik insanın bir damla sudan meydana gəlməsi, şübhəsiz ki, fövqəladə inkişafın nəticəsidir. Bu inkişaf isə, əlbəttə, nəzarətsiz bir prosesin, təsadüfən baş verən təsadüflərin nəticəsində gerçəkləşə bilməz.

İnsanın əmələ gəlməsindəki bütün mərhələlər, Allahın bənzərsiz yaratmasıyla yaranmışdır.

Bu kitabda yer üzündə hər insan ilə birlikdə heç dayanmadan yaşanan "insanın yaradılış möcüzəsi"nin təfsilatlarından danışılır. Bunu qeyd etmək lazımdır ki, bu kitabda qeyd edilən hadisələr, insanın yaradılışındakı təfsilatların yalnız bir hissəsidir. Belə ki, bu kitabda bildirilən qədəri belə, insana, Yaradıcımızın sonsuz qüdrətini, bütün kainatı əhatə edən sonsuz elmini və ağlını bir daha göstərir. Həmçinin Uca Allahın, "yaradanların ən gözəli" olduğunu bütün insanlara təkrar xatırladır:

And olsun, Biz insanı süzülmüş palçıqdan yaratdıq. Sonra onu bir damla su halında möhkəm yerdə yerləşdirdik. Sonra bu bir damla sudan laxtalanmış qan (rüşeym) yaratdıq, sonra o qandan bir parça ət yaratdıq, sonra o bir parça ətdən sümüklər yaratdıq, sonra da sümükləri ət ilə örtdük. Sonra da onu başqa bir məxluq olaraq xəlq etdik. Yaradanların ən gözəli olan Allah nə qədər ucadır! (Muminun surəsi, 12-14)

Ağıllı Dizayn, yəni Yaradılış

Kitabda hərdənbir qarşınıza Allahın yaratmasındakı mükəmməlliyi vurğulamaq üçün işlətdiyimiz "dizayn" sözü çıxacaq. Bu sözün hansı məqsədlə işlədildiyinin doğru başa düşülməsi çox əhəmiyyətlidir. Allahın bütün kainatda mükəmməl dizayn yaratmış olması, Rəbbimizin əvvəlcə plan qurduğu daha sonra yaratdığı mənasını verməz. Bilinməlidir ki, yerlərin və göylərin Rəbbi olan Allahın yaratmaq üçün hər hansı “dizayn” etməyə ehtiyacı yoxdur. Allahın dizayn etməsi və yaratması eyni anda olur. Allah bu cür çatışmazlıqlarda münəzzəhdir. Allahın, bir şeyin və ya bir işin olmasını istədiyi zaman, onun olması üçün təkcə "ol" deməsi kifayətdir. Ayələrdə belə buyurulur: