Bəzi Nur Tələbələrinin Risalələrdə Dəyişikliklər Etməsinə Görə Ustadın Həyatda Olan Tələbələri Bu Şəxslərə Tənqid Məktubu Yazmışlar
MƏKTUBU GÖNDƏRƏN QARDAŞLAR:
Mustafa Sunqur, Hüsnü, Abdullah, Ahmed Aydemir, Tillolu Said, Seyid Salih.
Əziz Möhtərəm Qardaşlarımız!
Əvvəla: Bu gələn Ramazan-i Şərifinizi və xidmətlərinizi təbrik edirik.
Biz Ustadın vəsiyyətnaməsində yazdığı həyatda qalan varisləri kimi 27 avqust 2008-ci il çərşənbə günü İstanbulda görüşdük. Nurun bəzi məsələlərinə və nəşriyyata dair məsələlər müzakirə edildi. Hər tərəfdə qardaşlarımızın kamal-i sədaqət və ciddiyyətlə nurlara sarılmalarını kamal-i hörmət, sevinc və şükranla yad etdik.
Nəşriyyata dair bəzi məsələlərin nəzər-i diqqətə alınmasını məsləhət-i nuriyyə namına vacib bildik, belə ki:
Daxil və xaricdə nurların nəşriyyatının fövqəlhəd (həddindən artıq) yayılması və nur dərslərinin hər tərəfdə oxunmasını, Rəhmət-i İlahiyyənin bu millətə və Aləm-i İslama bayram sevinci yaşatdığını görür və şükranla qarşılayırıq (şükür edirik).
Saniyən (ikincisi), Risale-i Nurun daxil və xaricdəki nəşriyyatında bəzi cəhətlərə diqqət etmək lazım gəldiyini düşünürük.
Nurlar nəşriyyatının eynilə Ustadımızın dövründə olduğu kimi edilməsi zəruridir ki, sədaqətimizi və Ustadımıza layiq tələbə olmaq şükranımızı ifa edək (yerinə yetirək).
MƏSƏLƏN: USTADIMIZIN BƏZİ LAHİKA MƏKTUBLARINDA ŞƏRH VƏ TƏSHİH (düzəltmək) MƏNASINDA ƏLAVƏLƏR ETMƏK VƏ BƏZİLƏRİNİ ÇIXARMAQ KİMİ İŞLƏ MƏŞĞUL OLMAQ SƏDAQƏTDƏN UZAQLAŞMAQDIR. BU TƏHRİFATI (təhrifi) ƏSLA TƏSVİB ETMİRİK (doğru hesab etmirik).
Ustadımız Risale-i Nurun təlifindən sonra (yazdıqdan sonra) “BİR HƏRFİNİ DƏ DƏYİŞDİRMƏYƏ MƏZUN DEYİLƏM (səlahiyyətim yoxdur)” dediyi halda bəzi nəşriyyatların Ustadımızın bu xəbərdarlıqlarına riayət etməməsi və dəyişiklik etmələri qətiyyən doğru deyil.
Ustadımız Risale-i Nurda eynilə belə buyurur: “Risale-i Nur bu vəzifəni ən dəhşətli zamanda, ən lazımlı və vacib vaxtda hər kəsin başa düşəcəyi tərzdə həqaiq-i Quraniyyə və İmaniyyənin ən dərin və ən gizlilərini olduqca qüvvətli bürhanlarla (dəlillərlə) sübut edir” kimi çox bəyanlarla nura sədaqətimizi tələb etdiyi halda... bəzilərinin bilərək və ya bilməyərək səhifə altına lüğət qoymaları və uzun izahlarla ƏLAVƏLƏR VƏ ŞƏRHLƏR vermələri sədaqətimizə və Ustadımızın tənzim və tərtibinə müxalif (zidd) olduğu məlumdur.
Ustadımızın nəzərindən keçib təsvib etdiyi orijinal nəşriyyatlar davam edir.
Məhəbbət, İxlas və sədaqətimizin davamını Cənab-i Haqqdan niyaz edirik.
