Darvinizmin ortaya atıldığı 19-cu əsrin ən nəzərə çarpan xüsusiyyəti elm və texnologiya səviyyəsinin olduqca geri olması idi. Bu vəziyyət isə, təkamül tərəfdarlarının "canlıların təməldə sadə quruluşa malik olduğu" kimi yalan bir ideologiyanı mənimsəmələrinə gətirib çıxartmışdı. Darvinin ən böyük dəstəkçilərindən biri olan Alman bioloq Ernst Hekkelin hüceyrəni "jele halındakı sadə şarcıq" kimi xarakterizə etməsi o dövrün primitiv elm anlayışını göstərirdi.
Bu geri qalmış elm səviyyəsi təkamülçülərin canlı hüceyrəsinin təbii şərtlər altında, öz-özünə, asanlıqla meydana gələ biləcəyi şəklindəki ağılsız iddialarını çəkinmədən müdafiə etmələrinə imkan yaradırdı: Lakin təkamülçülər böyük yanılma içində idi…
Darvindən dövrümüzə qədər keçmiş yüz ildən artıq bir müddət ərzində, elm və texnologiyada nəhəng addımlar atıldı. Elm adamları, Hekkelin "jele halındakı sadə şarcıq" dediyi hüceyrənin əslində necə üstün və mürəkkəb quruluşa sahib olduğunu kəşf etdilər və hüceyrənin heç də əvvəllər güman edildiyi kimi sadə quruluşa malik olmadığını heyrətlə gördülər. Tam əksinə, hüceyrədə Darvinin dövründə xəyal belə edilə bilməyəcək qədər mürəkkəb bir sistem olduğu ortaya çıxdı.
Əlinizdəki bu kitabda, olduqca mürəkkəb və mükəmməl sistemlərə sahib, miniatür bir texnologiya möcüzəsi olan hüceyrədəki yaradılış möcüzələrini öyrənəcəksiniz. Hüceyrədəki orqanoidlərin, hüceyrədə ifraz olunan fermentlərin, hormonların və digər molekulların, özlərindən qaynaqlanması qeyri-mümkün olan fövqəladə şüurla etdikləri, ağıllı və məntiqli, planlı və hesablı hərəkətləri görəcəksiniz.
İnsan orqanizmindəki təxminən yüz trilyon hüceyrənin hər birində göstərilən bu üstün ağıl və şüurun nümunələrini oxuyacaqsınız və həmişə olduğu kimi canlı-cansız bütün varlıqların şüursuz təsadüflərin deyil, Aləmlərin Rəbbi olan Allahın üstün qüdrətinin, məlumatının və sənətinin bir əsəri olduğuna şahidlik edəcəksiniz.
