Kommunist mirasa sahib Rusiya hökumətinin, Çeçenistandakı müsəlmanlara verdiyi əziyyətlər, Maonun yoluyla getməkdə qərarlı olan Çin hökumətinin törətdiyi körpə qırğınları, Avropa ölkələrində darvinist təhsil alan gənclərin məktəblərindən cinayət maşını kimi çıxmaları, dünya cəmiyyətlərini xaosa sürükləyən hadisələr...

Bu kitabın qələmə alınma məqsədlərindən biri, qəzetlərdə gördüyünüz və ya xəbərlərdə izlədiyiniz bu kimi ictimai hadisələrin təməl səbəbini aşkara çıxarmaq və bunlara çıxış yolu gətirməkdir. Kitabda verilən nümunələrlə darvinizmdən qaynaqlanaraq bütün dünyada yaşanan kommunist-faşist zülm dəlilləşdirilməkdədir.

Kitabın hazırlanmasındakı məqsədlərdən biri də, indiyə qədər bəşəriyyətin məruz qaldığı zülmün qaynağının darvinizmin təlimləri olduğunu yenidən göstərməkdir. Faşizm və kommunizmin darvinizmlə olan əlaqəsi, irqçiliyin kökünün darvinizm olduğu, kommunist rəhbərliklərin siyasətlərinin darvinizmin iddiaları istiqamətində müəyyənləşdirilməsi kimi həqiqətlər tarixi və ictimai hadisələr əsasında araşdırılmaqdadır.

Darvinizmin elmi cəhətdən tamamilə əsassız olduğu son dövrdəki hadisələr əsasında dəlilləşdirilir, eləcə də, bu köhnə nəzəriyyənin niyə ayaqda tutulmağa çalışıldığı həqiqəti də gözlər önünə sərilməkdədir. Canlılardakı iman dəlillərindən bəhs olunan fəsildə verilən təəccüblü nümunələr isə yaradılış həqiqətini göstərməkdə və kainatdakı hər şeyi yaradanın üstün güc sahibi Rəbbimiz olduğunu bizə xatırlatmaqdadır.

Son fəsildə təfərrüatlı şəkildə izah edilən "böyük həqiqət" isə, qeyd olunan ideologiyaları dəstəkləyən digər bir qaynaq olan materializmin iddialarını kökündən çürüdür və dünyanın, materialist fəlsəfələrin iddiasından tam fərqli bir yer olduğunu göstərir.

Kitabı oxuduqdan sonra materializm və darvinizmin müdafiə olunmasının nə qədər böyük təhlükə olduğunu anlayacaq, zülmə qarşı etinasız yanaşmağın bəşəriyyət baxımından əhəmiyyətini görəcəksiniz.