Nəticə

Əziz uşaqlar, sizin üçün hazırlanan bu kitabda Allahın yaratdığı ecazkar canlılardan bir neçə nümunəyə yer ayırdıq. Məqsədimiz bu canlılardakı heyrətamiz xüsusiyyətlər və bəzi düşünülmüş davranışlar barədə danışaraq bütün bunların təsadüfən mövcud olmadığını, hamısının yaradıcısının Allah olduğunu bir daha sizlərə bildirməkdir.

Xüsusilə qeyd edilməlidir ki, sizin də yaxşı bildiyiniz kimi, kitabda olan nümunələr yer üzündə mövcud olan canlıların çox kiçik bir hissəsidir. Bunlardan əlavə suda, quruda və havada yaşayan milyonlarla canlı növü var. Bu canlıların hamısı da müxtəlif bədən quruluşuna, müxtəlif davranışlara malikdir. Məsələn, bir quşun aslan kimi və bir filin də ördək kimi qidalanması mümkün deyil. Pişiklərin xarici görünüşü ilə zebraların görünüşü eyni deyil, bir timsah həm suda, həm də quruda yaşadığı halda meymun hətta suya da girmir. Qısası, bütün canlıların xüsusiyyətləri yalnız öz növlərinə xasdır.

Şübhəsiz ki, siz bütün bunları yaradanın, onlara bütün xüsusiyyətləri verənin, hər hərəkətlərini onlara öyrədənin Rəbbimiz olduğunu bilirsiniz. Əgər bu günə qədər bilmirdinizsə də bu kitabı oxuduqdan sonra bunu tam öyrəndiniz. İndi bildiklərinizi başqalarına da öyrədin. Bütün canlıları yaradanın Allah olduğunu, canlılardakı bu qeyri-adi müxtəlifliyi yaratmaqla Rəbbimiz Özünün misilsiz ağıl sahibi olduğunu bizə bildirdiyini ətrafınızdakılara da başa salın.

Bunları yerinə yetirdiyiniz zaman Allahın sizi daha çox sevəcəyini, sizin üçün dünyada və axirətdə çoxlu nemətlər verəcəyini də yaddan çıxarmayın. Bunu heç vaxt unutmayın. Böyük qüvvə sahibinin, hər şeyin sahibi olan Rəbbimizin sevdiyi insan olmaq çox asandır. Siz Allahın varlığını insanlara öyrədəndə və müsbət əməllər gördüyünüz zaman yaxşılıq etmiş olursunuz. Allah yaxşılıq edən insanlara ayələrində belə müjdə verir:

"Onlar dedilər: “Sən pak və müqəddəssən! Sənin bizə öyrətdiklərindən başqa bizdə heç bir bilik yoxdur! Həqiqətən, Sən Bilənsən, Müdriksən!”"
("Bəqərə" surəsi, 32)