Dində Pasifizm

“Passiv insan” dedikdə xarakter etibariylə şövqsüz, ətrafında baş verən hadisələrlə maraqlanmayan, insanların sıxıntıları və problemləri ilə maraqlanmayan, ətrafındakı çatışmazlıqlara çıxış yolu tapmaq niyyətində olmayan, utancaq, öz kiçik aləmində yaşayan bir insan modeli ağla gəlir. Bu kitabda, bəhsi keçən durğun xarakteri qəsdən nümayiş etdirərək bu çirkin modeli hiyləgərcəsinə müsəlmanlar arasında yaşatmağa çalışan insan xarakteri izah edilir. Müsəlmanları passivləşdirməyi qarşılarına məqsəd qoyan bu insanlar, möminlərlə birlikdə yaşayan, iman etdiyini deyən ancaq münafiq xarakterli rəftarlar göstərən və ya qəlblərində xəstəlik olan insanlar ola bilər. Və ya hələ imanı tam olaraq qavraya bilməmiş, Allahı lazım olduğu kimi təqdir edə bilməyən zəif imanlı kəslər ola bilər. Bu insanlar, möminlərin arasında olmalarına baxmayaraq din əxlaqını başa düşməkdə və yaşamaqda bitərəf, zəif davranar, digər möminlərin də özləri kimi olmalarını istəyərlər. Bunlarla yanaşı, cahillik əxlaqını yaşayan və ya inkar edənlər arasında da müsəlmanları zəiflətmək, şövqlərini və həyəcanlarını yox etmək istəyən kəslər ola bilər və bu insanlar da möminlərin fəaliyyətlərinə maneə törədə bilmək üçün var gücləriylə çalışarlar.

Özlərinə Qurani Kərimi və Peyğəmbərimiz (s.ə.v)-in sünnəsini rəhbər tutan saleh müsəlmanlar, Allahın izniylə, bu təlqinlərin təsiri altında qalmayacaq, böyük bir şövq və həyəcanla Allah yolunda fikri mübarizələrinə davam edəcəklər. Allah, səmimi möminləri özlərindən əvvəlkilər kimi müvəffəqiyyətə çatdıracağını vəd etmişdir və bu vəd, möminlərin şövqlərini, əzmlərini və qətiyyətlərini gücləndirən çox əhəmiyyətli bir müjdədir.