Cahil Cəmiyyətdəki İnsan Xarakterləri

Bu kitabda yaşadığınız cəmiyyət içində qarşılaşa biləcəyiniz müxtəlif insan xarakterləri təsvir edilmiş və bu xarakterlərin Quran əxlaqına uyğun olmayan istiqamətləri təsvir edilir. Ancaq, kitabı oxuyarkən bu əhəmiyyətli xüsus unudulmamalıdır: Kitabın içində verilən təriflər, təsvirlər və faktlar, əlbəttə ki, o cəmiyyətdə olan hər kəsi əhatə etmir. Hər sosial təbəqə, hər peşə qrupu, hər insan birliyi içində yaxşı niyyətli, vicdan sahibi, sağlam fikirli insanlar olacağı kimi, pis əxlaq və davranışlar göstərən insanlar da ola bilər. Bu kitabda da üstündə dayanılan xüsus, Quran əxlaqına uyğun yaşamayan insanların pis davranış və xüsusiyyətləridir. Həmçinin bu da unudulmamalıdır ki, hər insan ömrü boyu etdiyi pisliklərdən imtina etmək imkanına sahibdir. Səmimi olaraq pislikdən imtina etmək, Allaha könüldən təslim olan və Quran əxlaqını yaşamağa qərar verən bir insan, Allahın izni ilə, Rəbbimizi bağışlayıcı və əfv edici olaraq görəcək. Necə ki, bu kitabın məqsədlərindən biri də, bəhsi keçən insanların içində olduqları vəziyyətin pisliklərini fərq edib, bu rəftarlarını tərk edərək Quran əxlaqına yönəlmələrinə vəsilə olmaqdır.