Allahın insanlar üçün yaradılışlarına ən uyğun olan seçdiyi din, İslam dinidir. Allah Quran əxlaqını insanların yaşaya bilməsi üçün çox asan etmişdir. Din əxlaqı, insanların üzərindəki bütün külfəti, məhdudlaşdırıcı və həddi aşan, insanlara çətinlik yaradan ağırlıqları ortadan götürər. İnsanın yalnız sonsuz mərhəmətli, şəfqətli, bağışlayıcı, saleh qulları üçün hər şeyi xeyirlə yaradan, bütün gücün sahibi olan Allahın özü üçün təyin etdiyi qədərə təslim olmasını, hər şeydə yalnız Onun razılığını axtararaq Ona yönəlməsini bildirir.
Kainatdakı hər varlığın və reallaşan hər hadisənin sahibi olan Allaha inanıb təslim olmaq və Onu dost seçmək, bir insanın həyatındakı bütün qorxuların, narahatlıqların, sıxıntıların və çətinliklərin sonu deməkdir. Quran əxlaqını yaşayan bir insan üçün dinin gətirdiyi ən əsas asanlıq və gözəlliklərdən biri budur. Bundan başqa Allah, bütün əmr və hökmlərini insanların fitrətlərinə ən uyğun şəkildə bildirmişdir və heç birində bir çətinlik yoxdur.