Şeytan qəsdən İslamı çətinləşdirib məhv etdi dünyada. Dini çətin göstərmək çox şeytani bir metoddur. Şeytanın o pis zəkasının bir məhsulu olaraq ortaya çıxdı.
Allah fədakarlığı sevir. Buna görə də Allah şəhidliyi sevər. Allahın ən sevdiyi gözəlliklərdən biridir. Allah: "İki gözəllikdən biri" deyir. "Gözəllik" deyir. "Şəhidlik və qazilik". Allah adamın, Onun yolunda qolunu, ayağını itirməsini çox bəyənir.
Allah dünyada Özünün insanlar tərəfindən, Öz ruhu tərəfindən, Öz ruhundan meydana gələn varlıqlar tərəfindən sevilməsini istəyir. Amma Allah həqiqi mənada sevilmək istəyir. Həqiqi sevginin olması üçün də, insan əzab və çətinliklər içində də olsa belə Allahı tərk etməməlidir.
Daim Allahın lehində düşünülər. Müsəlman ətrafına daim xeyir gözüylə baxar.
Əgər sən şeytani düşünsən, nə qədər dərin düşünsən, bir o qədər də batarsan. Dərin düşünmək bu cür düşünmək deyil, səmimi düşünməkdir. Tamamilə səmimi, dürüst və yaxşı niyyətlə düşünməkdir. Allah üçün, Allahı sevərək düşünməkdir, Allahın əleyhinə düşünməməkdir.
Ev nəticədə səni üşüməkdən qoruyar. Öz həbsxanan, dünyadakı həbsxanan. Əgər iman gözüylə baxsan evin, cənnət evlərindən olan bir ev olar. Amma küfr gözüylə baxsan evin, cəhənnəm hücrələrindən olan bir hücrə olar, səni sıxar. Divarları sıxar, hər yeri sıxar, sıxılarsan.
Allah: "Təlaş etməyin. Təvəkküllü olun. Mənə buraxın. Ölərkən də çox rahat öləcəksiniz" deyir. Allah: "Amma təlaş etsəniz, təvəkkül etməsəniz canınız yanar" deyir.
Allah, təvəkküllə gözəl bir dünya meydana gətirir. Təvəkküllü olanda Allaha qarşı dürüst, səmimi olmaq lazımdır. Dürüst olmadıqda Allah da insanın canını yandırmağa başlayır.
Mən müsəlmana zülm edilməsinə izin vermərəm. Müsəlmana əl qaldırmaq olmaz. Heç bir türk əsgəri müsəlmana güllə atmaz. Bunu edəcək biri də varsa, ona mane olarıq. Müsəlman xəta etmiş ola bilər, səhv etmiş ola bilər, amma güllə atmaq haramdır. Belə bir şeyə izin vermərik.
Bunu deyim ki, kim Abdullah Öcalanı, qatilləri sərbəst buraxmağa çalışsa, O, şəxsiyyətindən asılı olmayaraq etdiyi, edəcəyi bu şeylərdən ötrü yüz min dəfə peşman olar. Polisin qanunla, hüquqla sürükləyərək aparacağı ilk adamlar onlardır.
Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.
Türkiyənin bölünməsindən söhbət gedərsə heç kim jandarmanı tutub saxlaya bilməz. Jandarma xainlik edildiyini görsə heç kəsi dinləməz. Qanunla və hüquqla lazım olanı edərlər.
Kommunist pis insan olmaz. Qan axıtsa pis insan olar. Dinsiz də pis insan olmaz. Zülm etsə pis insan olar. Yoxsa o onun fikridir, biz ona hörmət edərik. Yəni insanlara əzab verirsə, can yandırırsa onda pis insan olur.
Osmanlı ordusunun hamısı bektaşi idi. Osmanlı padşahlarının bir çoxu da bektaşi idi. Bektaşilik və ələviliyin ruhunda; insanlıq, sevgi, gözəllik, dərinlik hakimdir. Eqoistlik nədir bilməzlər. Tərslik nədir bilməzlər. Qatı dinçilərdə inanılmaz bir eqoistlik vardır, bir çoxunda böyük bir azğınlıq vardır.
PKK-nın meydana gəlməsinin ən əsas səbəbi darvinizmdir. Gördüyünüz kimi, PKK Türkiyəni məhv etdi. İgidlərimizi, aslanlarımızı şəhid etdilər. Bu verilən darvinist təhsildən qaynaqlanan bir bəladır.
Cənub-Şərq bölgəsində xalqın HDP-yə dəstək verməsinin səbəbi PKK-dan qorxmalarıdır. Başqa bir şey deyil.
Küfrün ən əhəmiyyətli xüsusiyyəti eqoistlikdir. Allah onları xor qılmaqla və alçaltmaqla cəzalandırır. Onlara ən ağır gələn budur, belə ki, qürurlarının, eqoistliklərinin qırılması olur.
Hal-hazırda İslam aləminin çəkdiyi əzab, şirk bataqlığına düşmələriylə əlaqədardır. İslam aləmi şərik qoşduqları üçün inanılmaz bir əzab çəkir. Əgər şərik qoşmasaydılar, onda İslam çoxdan dünyaya hakim olardı. İslam dinini hüzur, rahatlıq, gözəllik və bərəkət içində yaşamaqla, onu yaymaq və izah etməklə xoşbəxt olacaqdılar.
Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.
Bektaşilik Türkiyədə bir o qədər bilinmir, Ələvilik də bilinmir. Möhtəşəm bir dünyagörüşüdür. Onlar çox gözəl sevgi müəllimidir. Dostluq və qardaşlıq müəllimidirlər. Onların söhbətindən doymaq olmaz, söhbətləri çox gözəldir. Məclisləri gözəldir, natiqlik qabiliyyətləri də gözəldir. Yetkinliyin, insanlığın, dərinliyin ağlını, sirrini bilən insanlardır, mübarək, möhtəşəm insandırlar.
PKK-nın bir mübarizəsi yoxdur. PKK-nın əxlaqsızlığı, alçaqlığı, namərdliyi və xainliyi var. Mübarizə ayrı bir şeydir.