Allahın zikri - Adnan Oktar - Harun Yahya

Qurandan, dindən bəhs edilən yerdə əyləncə olmaz demək, həyatın geniş sahəsindən İslamı çıxartmaq deməkdir. Anadoluda hər yerdə Quran var, Quran olan evdə yallı olur, toy olur. Qaradəniz bölgəsində qadınlar kişilərlə birlikdə horon oynayır. Orada da Quran var. Cənub-Şərqi Anadolu bölgəsində qadınlar kişilərlə birlikdə yallı gedir. Orada da Quran var. Cem evlərində Allah zikr edilir, ayə oxunur, Peyğəmbər zikr edilir, qadınlar kişilərlə birlikdə səmah oynayırlar. O zaman bunların da hamısının qadağan edilməsinin lazım olduğunu düşünürlər? Belə şey olmayacağına görə, insanların düşüncəsini, inancını rahat yaşayacağı mühitin təmin edilməsi əhəmiyyətlidir.

Məqalələr

Peyğəmbərimiz (səv) söhbətlərində daim Allahı zikr edərdi

Məqalələr

İman gətirənlərə nəsib olan elm

Məqalələr

Allah`ı çox zikr etmək

Allah hər dəfə zikr edildikdə qəlb fərəhlənər. Allahu-Əkbər deyərsən, sonsuz böyük gücün himayəsi altında olduğunu görüb beynin hüzurlu olar, gündəlik bütün dərdlərindən xilas olarsan. Allahı böyük adı ilə zikr etdiyin zaman dərdlər üzərindən gedər, Allahın böyük olduğunu unutduğun zaman dərdlər üzərinə yüklənər. SübhənAllah deyərsən, Allahın bütün qüsur və nöqsanlardan uzaq olduğunu düşünərsən. Bəziləri Allaha sığınır, lakin haşa Allahın gücünün əksik olduğunu zənn edir. Allah yorulmaz, yatmaz, bezməz. Allahın əksikliyinin olmadığını bilmək, xatırlamaq böyük rahatlıqdır. Əlhamdülillah deyərsən, Allaha həmd etdiyin zaman fərəhlənərsən və nemət artar. Əstəğfürullah dediyin zaman Allahın mərhəmətinə sığınarsan, nə böyük gözəllikdir.

Dünyanın etdiyi ən böyük günah, ən dəhşət verici səhv, ən seviləcək varlıq olan Allahdan bu qədər uzaq olmaqdır. İnsanların Allaha qarşı bu nankorluqları çox təəccüblüdür. Bəşəriyyət çox uzun illərdir ki, çox böyük səhv edib. Allahın mövcudluğuna inanırlar, lakin Allahdan uzaq olurlar. Amma inşaAllah, qarşıdakı illərdə Allaha olan sevgi inanılmaz yüksələcək. Hər yerdə Allah zikr ediləcək. Allah sevgisi çox aydınlaşacaq və kəskinləşəcək.

Allahı zikr etməklə nicat tapmaq üçün tam səmimi itaətlə Allaha bağlanmaq lazımdır. Əks təqdirdə insanların xoşbəxt olması qeyri-mümkündür. Nicat tapmaq və xoşbəxtlik üçün Allaha qəlbən təslim olmaq, Allaha tam bağlanmaq əsas şərtdir.

Səmimiyyətin möhkəm və qətiyyətli olması lazımdır. Düşünərkən dürüst olmaq əhəmiyyətlidir. Səmimi insan həmişə Allahın lehinə düşünər. Allah bəzən insanın qarşısına xüsusi olaraq, Allaha tənqidi gözlə baxan insanlar çıxardar. Bu xüsusi sınaqdır. Onu görəndə; "Bəlkə mən də tənqidi gözlə baxım" deyib səhv edirlər. İnsanın sağlam və dürüst düşünə bilməsi üçün, dünyaya dair məlumatını tez-tez nəzərdən keçirməsi lazımdır. Gözsüz görən var. Məhz bu mövzunu düşünmək Allahın mövcudluğunu anlamaq üçün kifayətdir. İnsanın gördüyünü idrak etməsi möhtəşəm şeydir. Birinin səsi eşitməsi, birinin toxunmanı hiss etməsi, birinin qoxunu alması, birinin yeməyin dadını alması Allahın mövcudluğundan başqa yolla açıqlana biləcək məsələ deyil. 5 duyğu özlüyündə Allahın mövcudluğunun dəlilidir. Lakin Allah imtahan üçün şübhələr də yaradar. Məsələn, uşaq ölümləri olar və ya öz başına gələn xəstəliklər, problemlər olar. Allah həm mövcudluğunun dəlillərini çox güclü yaradar, həm də şübhəyə düşməyin dəlillərini verər. Diqqətli baxan şübhəyə düşəcək şeylərin xüsusi yaradıldığını anlayar. Səmimiyyətdən uzaqlaşmamaq üçün, Allahın mövcudluğunun dəlillərini israrla unutmamaq, çox təkrar etmək lazımdır. Allah; "Məni çox zikr edin" deyir, çoxlu zikr etməkdə bu sirr gizlənir. Çoxlu zikr bir sözü həmişə təkrar etmək deyil. Allahın mövcudluğunu, mövcudluğunun dəlillərini şüurlu olaraq, təkrar-təkrar ağlından keçirməkdir.

İnsan əylənərkən də, musiqi dinləyərkən də Allaha yaxındır. Ənənəçi ortodoks İslamı müdafiə edənlərin isə söylədikləri ilə yaşadıqları bir-birinə uyğun deyil. Öz düşüncələrinə görə hökm verirlər. Qurana görə, din hər yerdədir, Allah hər yerdə zikr edilər.

Quranda müsəlmanların oturarkən və yan yatarkən Allahı zikr etdikləri bildirilir (Ali İmran surəsi, 191). Lakin insanları Qurandan və dindən uzaqlaşdırmaq üçün, yerə çöküb dizüstü oturmalısan deyirlər. Qadınlar aybaşı dövründə Qurana toxuna bilməz deyirlər. Quranı bizim anlamağımız mümkün deyil deyirlər. Bunların heç biri Quranda yoxdur. Allah Quranı öz dilinizdə oxuyun, Quran aydın və asandır deyir.

Dünya yaradıldığı ilk gündən bəri təxminən 15 milyard ildir ki, atomlar heç dayanmadan fırlanaraq Allahı zikr edirlər.

Allah Onu zikr edənə nur verər. Nur ilə Allahı zikr etmək eyni anda yaradılar. Gözəlliklə Allahı zikr etmək eyni anda yaradılar.

Allahı heç unutmamaq Allahı zikr etməkdir. Əylənərkən, danışarkən hər zaman Allah ağılda olar.

Qəflət, boğucu və sıxıcıdır. Ağırlıq gətirər, qorxu hissinə səbəb olar, əsəb pozğunluğu yaradar. İnsan Allahı zikr etdiyi zaman dərhal qəflət yox olmağa başlayar. Qəflətdən çıxmaq insana fərəh, sevinc, sağlamlıq verər. Səmimi olaraq Allah zikr edildiyi zaman insan dərhal fərəhlənər.

Din hər şeylə iç-içədir. Dinin olduğu yerdə musiqi, incəsənət, rəqs, əyləncə, toy, elm olmaz deyənlər Qurana uyğun danışmırlar. Din ilə həyatı ayırmaq demək, dini və dindarları gettolara salmaq üçün dəccaliyyətin tətbiq etdiyi taktikadır. Din hər yerdə olmalıdır. Musiqi vardırsa Allah zikr edilməz deyirlər. Allah hər yerdə zikr edilər. Musiqini də, rəqsi də, əyləncəni də yaradan Allahdır.

Əhəmiyyətli olan səmimi olaraq namazı Allaha həsr etmək və səmimi sevgi ilə Allahı zikr etmək, ucaltmaqdır.

Bizim proqramımız dini proqram deyil. Mən dindar insan olduğum üçün hər yerdə Allahı zikr edər, hər yerdə dindən bəhs edərəm. Mənim həyatımın hər dəqiqəsində din vardır. Həyatın hər mərhələsində Allah vardır, həyatın hər anında Allah zikr edilər, Allah sevilər.

Bacı-qardaşlarımız mütləq Allahı sevənlərlə birlikdə olmağa diqqət yetirsinlər. 2-3 nəfər də olsa Allahı sevənlərə üstünlük versinlər. Ətrafında belə insanlar yoxdursa Allahı sevəcək, Allahdan qorxacaq insanlar yetişdirsinlər. Birlikdə gözəl şəkildə Allahı zikr edərlər, sevgini, dostluğu yaşayarlar.

Mənim istirahətim möminlərin yanındadır. Allahın zikr edildiyi hər yer istirahət yeridir. Bundan başqa rahatlıq, hüzur olmaz.

Allahı zikr etmək Allahın həmişə qəlbdə saxlanılması, həmişə yaddaşda olması, şüurda olmasıdır. İnsanın Allahı həmişə sevməsi, ağlında Allahı təfəkkür etməsi, düşünməsi, Allahın möhtəşəm sənətini, əbədiliyini qəlbində saxlamasıdır.

141

ƏSƏRLƏR

KATEQORİYALAR