1. በሌሊቱ እምላለሁ (በጨለማው) በሚሸፍን ጊዜ፡፡

2. በቀኑም፤ በተገለጸ ጊዜ፡፡

3. ወንድንና ሴትን በፈጠረውም (አምላክ እምላለሁ)፡፡

4. ሥራችሁ በእርግጥ የተለያየ ነው፡፡

5. የሰጠ ሰውማ ጌታውን የፈራም፡፡

6. በመልካሚቱም (እምነት) ያረጋገጠ፤

7. ለገሪቱ ሥራ እናዘጋጀዋለን፡፡

8. የሰሰተ ሰውማ የተብቃቃም፤ (በራሱ የተመካ)፤

9. በመልካሚቱ (እምነት) ያሰተባበለም፤

10. ለክፉይቱ ሥራ እናዘጋጀዋለን፡፡

11. በወደቀም ጊዜ ገንዘቡ ከእርሱ ምንም አይጠቅመውም፡፡

12. ቅኑን መንገድ መግለጽ በእኛ ላይ አለብን፡፡

13. መጨረሻይቱም መጀመሪያይቱም ዓለም የእኛ ናቸው፡፡

14. የምትንቀለቀልንም እሳት አስጠነቀቅኳችሁ (በላቸው)፡፡

15. ከጠማማ በቀር ሌላ የማይገባት የኾነችን፡፡

16. ያ ያስተባበለና ከትዕዛዝ የሸሸው፡፡

17. አላህን በጣም ፈሪውም በእርግጥ ይርቃታል፡፡

18. ያ የሚጥራራ ኾኖ ገንዘቡን (ለድኾች) የሚሰጠው፡፡

19. ለአንድም ሰው እርሱ ዘንድ የምትመለስ ውለታ የለችም፡፡

20. ግን የታላቅ ጌታውን ውዴታ ለመፈለግ (ይህንን ሠራ)፡፡

21. ወደፊትም በእርግጥ ይደሰታል፡፡